الكلية تمثل الجامعة في مناظرة بتروناس للغة الإنجليزية و تحرز المركز الأول

أحرزت كل من إبريز محمود، أمل الفارسي و لبنى كردش الطالبات بالكلية و بإشراف الأستاذ ياسر حسن حسين أستاذ اللغة الإنجليزية المركز الأول في مناظرة بتروناس للغة الإنجليزية المقامة في الفترة من السادس و حتى التاسع عسر من يوليو 2008 بجامعة الخرطوم.
و اشتملت المنافسات على مشاركة تسعة عشر جامعة سودانية تمكنت طالبات الكلية من بلوغ المناظرة النهائية فيها و إحراز المركز الأول بمعدل 87% بعد تغلبهن على طلاب جامعة
أم درمان الأهلية.
و في الختام تم تكريمهن و تسليمهن كأس المناظرة من السيد مدير شركة بتروناس الماليزية و السيد وكيل وزارة التعليم العالي أ. عبد الحافظ الطاهر أحمد و نائب مدير جامعة الخرطوم، كما ينتظر أن يتم تكريمهن بالكلية ضمن احتفالات الكلية المقامة في يوم الثلاثاء الثاني عشر من أغسطس القادم.
هذا و قد بعث فضيلة البروفيسير محمد عثمان صالح مدير الجامعة و البروفيسير محمد أحمد بن عوف عميد الكلية بخطابات تهنئة و تقدير للطالبات و الأستاذ المشرف على هذا الإنجاز.

نقلا عن موقع الكلية

مبروك هذا نجاح جميل في السياق الاجتماعي ممضافاً للنجاحات الاكاديميه التي ظل يقوم بها طالب الجامعه
مبروك تاني

لااااااا حولااااا استاذ ياسر لسه قاعد؟!!!

لكن والله تمام .. الف مبروك وفي انتظار مزيد من الانجازات ...

ياسر منو ؟؟؟؟

استاذ ياسر حق الانجليزي (متطلبات جامعة وكده ..) واقف في نص الصورة شايل الكاس واسمو قاااعد في الموضوع..

انا بديت اشك فيك انت ما بتقرا مواضيعك البتنزلا ولا شنو؟؟؟

احم احم
محمد علي الكلية كان فيها انجليزي زمنا؟
وياسر كيف ما بتعرفو ما قاعد في الصورة لابس رسمي ورافع صباعو هي لله هي لله
بس الطالب الشايل الكاس ماجايبين سيرتو مالكم ولا عشان ولد والباقين بنات
غايتو الكلية اشتهرت ورفعو راسنا الشابات ديل
بالتوفيق للكل ووين ماكانو

يا عبير : متطلبات شنو ؟
انا سألتك من ياسر ما عشان ما شفتو , لكن لقيتك بتعرفيهو و انا يطرشني !

برقو معزيين : اعمل نايم


كان فيها , اظنو كان في انجليزي , يا ربي كان في انجليزي ؟ بكون و الله !


























انجليزي دا منو ؟

والله يا جماعة بالغتوا ..
الطالب الشايل الكاس ده ما طالب
ده أستاذ اسمو ياسر وكان بيدرسنا انجليزي في السنة الثانية
ما كنت قايلاهو قاعد لسه

















انجليزي ده صابون غسيل تبع صوابين ناس البرير

ايوا
تتذكر استاذ العقيدة الجا يقرينا.. كنا قاعدين في بره في كافتيريا محجوب
قام الاستاذ مشى القاعة (الفصل) لقاها فاضية
المهم جا علينا وسألنا ناس سنة اولى وين؟

قمنا قلنا ليه الجماعة ديل خلصو وفاتو
عمك زعل ومشى لعبدالوهاب
بعد شوية جانا عبدالوهاب (نائب مسجل الكلية) وشافنا قاعدين واستغرب
قال انتو استاذ العقيدة جا حسي مالقاكم؟ قلنا ليه مافي زول جا هنا.. احنا قاعدين في الحتة من الصباح
عبدالوهاب رجع المكتب كلم الاستاذ
المسكين جا تاني قال وين ناس سنة اولى؟
تاني قلنا ليه فاتو
عمك فقد المنطق وسب لينا وللكلية وفات
تقولي انجليزي

مبروووووووووووووووووووووووووك للكلية
ولله تستاهل
حلو الواحد يفتخر بانجازات كليته بس الاهم عقبال ما نفتخر بها كأحسن كلية في الانجازات الاكاديمية على مستوى السودان والوطن العربي ..
ومزيد من التقدم..


لسه ياعبير بتتذكري استاذ ياسر، معناها لسه بتتذكري امتحان الE كيف كان ..
والله ايامنا كانت حلوة فقدتك وفقدت كل الدفعة ..
بالمناسبة انا ماكنت بعيدة منك بس حابة اختبر ذكائك المعهود..
سعيدة بوجودي معاك في منتدى واحد رغم المسافات..



ويابوس برقو اسلوبك في الرد على الموضوعات جميل واجمل مافيه لكنة السخرية الممزوجة بي حروفك.. وبالمناسبة انا مابشيل في حالك بس ببدي اعجابي باسلوبك المميز
ودمتم سالمين..

plan B .. حيرتيني معاك والله

بعدين تعالي هنا ياتو اسلوب الجميل ده؟
سخريتو العاجباك دي بتصلك عاجلا أم آجلا عشان كده شيلــي حـالــو ســـــــــااااااي ..

plan B
كلو من ذوقك والله والواحد عليهو دين كبير من الكلية والزملاء الكانو معاي فبحاول حتى لوبس اشارك في حاجات زي دي مع انو البنقولو يادوبك يمكن يسموه كلام
تاني مشكورة ودا من ذوقك ودا مما يحث على المواصلة
نقبل بي هناك
ايواااا
عبير انا عشان سكت منك اليومين الفاتو تحرشي الناس علي
اخص عليكي كده العشرة نبقى في القوالات
بديت افكر جاد اقبل عليكي اشوفك تمشي مني وين
وبالمناسبة قطر دي شكلها عامرة ما شاء الله تكاد تكون تنافس السودان والسعودية في مستوى رائع من المشاركين
ربنا يسلم الجميع

يا اخوانا انتو بتهظرو لا شنو دي الدفعة 17 عنوان التميز وما قاعدين في الخلا دا ساي

والله الف مبروك ليهم رفعو راسنا فووووووووق
لكن بالجد ماشاءالله ابريز دي لمن تتكلم انجليزى الا يجيبو مترجم مخضرم ولبنى دي سمعتها مره لاحول الله عقدتني عديل كده
بس امل دي لسع الله ما ورانا ليها

استاذ ياسر اشترا عربيه كمان والامور مسلكه معاهو

والله الف مبروك للبنات ديل بالجد رفعوا راسنا
أ-ياسر دا الى الان موجود وانا دفعه 20 في الكلية

خليكم منطقين وممثقفين يل اطرشني