دايراكم ترحبو بى ..ممكن ؟

يا مرحبا يا مرحبا
طبعا دا بعد التحية بتاعت المعلم محمد علي
بالمناسبة يا سمرا
انتي من الدفعة 11 او 12 او دا بس تشابه اسامي
whatever u r welcomed
نورتي

سمراء كتب:

السلام ياناس

اعجبنى منتداكم العامر بكم باذن الله

واتمنى ان اجد لديكم القبول ...وان نساهم معا فى بناء هذا الصرح
واكون صديقه مفيده للكل

وتانى شنو ؟

خلاص اها رحبو خلونا نشوف البعدو
هسى

ودمتم سالمين

السلام عليكم
انا برضو نفس البتاع الفوق ده
قد لااكون من طلاب جامعة الاسلامية
ولكني اتمني استضافتكم لي معكم في منتداكم ده
ويديكم العافية
وارجو ان اكون عند حسن ظنكم بي

امممم
عدل نظارته وحملق بكل جدية في الطلب
هذا الشخص يريد القرب
من هو؟
انه شمشاري!!!!!!!!!!
ما عارف ليه ما مصدقك انك من بره الاسلامية؟
من الخط بتاعك (الفونط) خط بتاع اسلامية اسلامية
عموما محمد علي الزول الفوقي دا هو المدير
اذا رحب بيك بنرحب بيك
اذا فتح ليك بنفتح ليك
لكن لو فتح ليك بالجد بنفتح ليه هو كمان
اقول ليك يا شمشاري
افتح براك
يا زول ولكم

برقو ربنا يخلي يارب
وزووولك دا كان هو المدير معناتو علي البتاع دا السلام
بالله عليكم اعملو انتفاضة شيلو برا ودخلوني مكانو
وان شاء الله بعمل ليكم تجديدات وببني ليكم كبري طاير علي قوقل توووش [i]

والله يا شمشاري كلامك دا خلاني الاوس من محمد علي
الكبري الطاير دا عقدة
انت عارف.. كدي اعمل لجنة تدرس الموضوع وتخت الميزانية.. الموضوع دا لو بأكلنا باسطة.. محمد علي بلحقو ليك اوكامبو
مش محمد علي برضو الكان مدير شنو ما بعرفو داك... بس يا هو زاتو زول اوكامبو

شمشاري كتب:باسطة شنو علي بالطلاق كان بقيت جااادي فوقو علا ابقيك امين الخزينة للبتاع دا
والكبري دا ماتلاوز منو دا بوديك قوقل تووووووش
وحاعمل نفق علي الياهو
واعمل ليكم مول في البتاع البرة دا
بث اوكامبو اقصد محمد دا خارجو برة

يعيش شمشاري يعيش شمشاري
يريح الشعب ويعمل كباري
بالروح بالدم نفديك يا عم
محمد علي زول دكتاتور وحاقد على الحريات
هيا بنا يارفاق نعيد الحق لأهله
شمشاري دا سيد بلد وجدودو سلاطين الانترنت
معا لتنصيب صاحب الحق الاصلي
وبلاش محمد علي
ملحوظة خاصة لمحمد علي (شمشاري اغراءاتو كبيرة.. انت عندك شنو؟) يعيش شمشاري