منتديات طب الإسلامية

مرحبا بك في منتديات طب الإسلاميه ...

    ما تغلط مع كبلو يا شمشار

    الريح احمد ابراهيم
    الريح احمد ابراهيم
    عضو فــعَّال
    عضو فــعَّال

    الدفعة : العاشره
    عدد المشاركات : 119
    تاريخ التسجيل : 04/08/2008
    نقاط التمييز : 4223
    التقييم : 0

    ما تغلط مع كبلو يا شمشار Empty ما تغلط مع كبلو يا شمشار

    مُساهمة من طرف الريح احمد ابراهيم في الجمعة 19 سبتمبر 2008, 22:23

    وبعد اذن لهم كبلو بالدخول...امسك شمشار يد مرتو كالعاده ودخل وما كده وبس ... وقفل الباب بقوه


    للعلم فقط بحركتو دي ارتكب واحده من اكبر اخطاء حياته المليئه بالاخطاء الاتيكيتيه واللفظيه وحتى الاملائيه...كونك تقفل الباب بالشكل ده في حضرة كبلو وفي بيتو كمان .. دي ابشع جريمه ممكن تعملها في روحك...حنجي لردة فعل كبلو بعد شويه بس نكمل اللهطه ده عمل شنو تاني


    وبعد خش شمشار جوه اتخذ من مكان كبلو(الذي تركه دافئا من طول قعدته في السرير) مجلسا له وبدأ يتصفح اللابتوب بعباره ادق بدأ يهبش ويطبز في اللابتوب... ودي غلطه تنايه




    -شفت كيف يامره ... راجلك هسه قاااااااااااعد وفاتح العنترنت في اللبتوب... دقيقه دقيقه...النفتح ليك موقع بتاع احدث موديلات تياب وموضه عشان تغيري بيهو توبك الحفظتو الحله كلها ومستعده تسمعو كمان...


    -ااااااااااي عليك الله خش على تياب التوتال ... الجاكار ده زهجت منو خلاص


    اااااااه لوسمعك الريح يا شمار


    *نرجع لكبلو وناخد نظره من داخل جسمو لانها بتعبر اكتر.. ونشوف شمشار عمل بكم عضو شنو؟


    الاضان: لسه وقع قفلة الباب صانا اضانو ... ودي مصيبه


    العيون: لسه وقع طبيز شمشار بمفاتيح اعز صديق لكبلو داخل بيتو ... فدامو.... ودي كارثه


    النخرين: لسه وقع ريحة الملوحه المعطنه البيت مألماهو... ودي طامه كبرى


    غايتو الادرينالين عند كبلو اشتغل طوالي مع التلات حواس الفاتو... وبعد داك عينك ما تشوف الا النور...


    اول مره تشوف شمار راجلها محمول على ارتفاع شاهق زي ده ... وبقت مصنقعه تعاين ليهو كده ولسانها مربوط من الهجمه..


    ولاول مره برضو فكر شمشار انو محتاج لبرشوت(عقلو الباطن نطقها صح*برشوت*من هول الموقف) عشان يصل الواطه دي بامان...


    بس الساعه القام كبلو رماهو ليك بكل تقلو مسافه شاهد فيها شمشار كل تفاصيل حياتو تمر امامه لانو عرف خلاص الفنه دي ميته جاهزه خصوصا لمن شاف نفسو وهو محلق (او مفنون) ومتجه نحو جسم صلب ذو سطح املس عاكس(دولاب كبلو ابو مرايات)..ه


    وكشوووووووووووووووو ششششششششششششششششش


    وهنا انفكت عقدة لسان شمار


    -سجمي راجلي مات....مات خلاص مااااااااااااااااااااات.... قتلو قتلو قتلو


    -اااااااااااااااااااااااااي ياضهري ... ااااااااااااااااااااااااااخ ياراسي... اااااااااااااااااااه يابطني ... كراعي اتكسرت ااااااااخ


    --انت نصيح ؟ حصليك حاجه؟وريني


    -هو كويس القدرت اقول اااااااااااااي ... شفت الموت يا شمار ... في زول بشوف الموت ... انا شفتو ....ااااااااااااي.. في زول بشوف مسلسل حياتو في حلقات يا شمار ....انا بقى حضرتو للحلقه الاخيره ... ولو المسافه كانت اطول شويه كان حضرت الجزء التاني... اااااااااااااااخ.اللحظه الوحيده الكنت محتاجك فيها ما لقيتك


    -كنت حاعمل ليك شنو؟


    -كنت عملتك (شربوت)بتوبك ده...*ده النطق المعتاد للكلمه دي عندو*ه




    كبلو:في زول قاليك تقفل الباب كده.. ولا تهبش جهازي بالاسلوب ده... شوف جني وجن الحقاره


    -حقاره... والعملتو فيني ده لطافه منك... ياخي وريني.. اديني اشاره ولا بوري .. قولي انا مطلعك فوق شويه افرجك على خورنا ده ... وبعد داك قولي اتصرف ...ااااااخ


    = انت ما اديتني فرصه... خلاص معليش انا مابرضى زول يحقر بي ... قوم قوم ارقدك في السرير وافهم منكم الحاصل..


    والمره دي شال كبلو شمشار على علو منخفض عشان يرقدو في سرير جوه غرفتو...وماقصر جاب ليهو عصير بااااااااارد هو ومرتو لزوم الضيافه وكده..


    =اها ما وريتوني...جاين لي مالكم؟


    وبدأ شمشار في سرد نفس الاسطوانه المشروخه..وما مر به من مواقف


    =والله ما قصرتو ...للدرجه دي مهتمين بينا!!!!!!


    شفت كيف .. وبعد ده ما لاقي منكم الا الغتاته والعكاكيز والجديع


    =قلت ليك معليش ياخي وامسحها في وشي


    - يا راجل خلاص الزول اعتزر...ونسيتنا زاتو نبارك ليهو النجاح في MBC2


    - يا مره يا جاهله... ليه...شايفه بقرا ليهو في ديجيتال... ولا ممتحننو في افلام...الزول ده والله اعلم نجح في شي بدايتو M ونهايتو 2... بس الشي الفي النص ده ما متزكرو


    = ههههههههههههههههه... اولا الله يبارك فيكم ... تانيا اسمو MRCP 2


    -بس ياها دي ... والله فرحنا ليك... اها علم ومال عندك فضل العيال


    وهنا قامت شمار تبحت في شنطتها الكحليه عن صور بنات ناس خجيجه وفاطنه.. وتدخل شمار وقبض يدها قبل ما تمرقهم وهمس ليها


    -يا مره انت دايره اديك رحلة طيران زيي ولا شنو؟ بنات جاراتك شنو البعاين ليهو الزول ده ... ده شناف اساليني منو .. وما بعجبو العجب ولا الصيام في رجب


    =اها مالكم بتتهامسو في شنو؟


    -لا لا سلامتك.. بس كنت دايره اشوف موبايلي زي السمعت لي( نسكول)ه


    -سيبنا في المهم ... انت الناس ديل تشيل وتديهم في الالغاز والفوازير ..فاتحها ليهم مجلة ميكي ولا شنو ؟


    =ما كده بس حبيت اشغل امخاخهم دي شويه ...وازيد مشاركاتهم


    -والله متعب نفسك ساااااي معاهم ..امخاهم دي خليها للكوره للشعر ولا للنكت .. بس


    -لا لا .. الناس دي ما شالله عليها عندها مواهب في كل شي... ونبيهين


    -ثم تانيا انت وابراهيم بتلعبو بالنار


    =كيف؟


    -انت وهو مريخاب وقاعدين تنبزو في الهلالاب..ما عارفين المنتدى ده كلو هلالاب.. لو قبلو عليكم بدفنوكم حيين ويرسلو برقيات عزاء للاعضاء


    =لالا نحن الزعيم وناس البطولات المحموله جوا


    وهنا تذكر شمشار لمن شالو كبلو ورماهو


    -وانا اقول الطيران الطيرني ليهو ده ما ساكت... بطولاتكم دي طيرو بيها بعيد مني عليكم الله ... .. كفايه الشفتو منك


    =اسمعو بعد ده الوقت اتاخر .. بيتو معاي الليله.. وبكره اتحركو.. دي غرفتكم خدو راحتكم


    ونام شمشار على السرير... وشمار فرشت ليها مرتبه ورقدت تحتو






    وبينما الناس نيام والقمر يلقي بعض ضوئه على جنبات البيت.. وصوت نباح كلاب بعيده تشق سكون مدينه شرم الخور... استيقظت شمار


    -شمشار..شمشار.. قوم عليك الله


    مممممممم.. مالك يا مره..


    -(قوم دايراك توديني الحمام(لامؤاخذه)


    -وده وقتو ... ما تمشي براك... شايفاني سايق عربيه


    -انا بخاف والله.. ما شايف الضلمه دي كيف.. والحمام بعيد اخر الخوش وجنب الباب.... ماعارفه كبلو جادعو هناك ليه التقول متبري منو


    -يامره قوي قلبك امشي انا مكسر وما بقدر امشي معاك.. لو خايفه من الحرامي ماتشيلي هم ...من حيشوف خلقتك دي حيطفش ... هو انا المتعود على خلقتك دي مرات بالنهار بتهجم من شوفتك .. خلي زول ما بعرفك وباليل كمان..


    -والله يا خايب الرجا.. يوم بتجيني ... كراع البقر جيابه


    ومشت شمار على طول الحوش تقدم كراع وتاخر كراع .. وشايفه كبلو هداك فارش ليهو سرير في طرف الحوش وشغال شخير ...


    -ووصلت باب الحمام وما تشوف ليك الا الضب الكبير داك واقف على بابو ومرحب بيها... واتسمرت في مكانها... واصفرت المره دي من الخوف والكوراك راحليها..غايستو على شويه كده فكت الجريه وما لقت نفسها الا قدام سرير كبلو ...وبقت تصحي .. ما راجلها ما منو فايده في اوقات زي دي... وبصوت مرنجف


    - كبلو .. كككبلو...


    -خخخخخخخخخ...ممممممممممم منو ده


    -انا شمار ..


    =مالك يامره ماتهجصي تنومي


    انا ماشا WWC(مسكينه .. الخوف خلاها تنطقا دوري مصارعة محترفين**قصدي الحمام ولقيت لي ضب كبير في الباب


    =اها والمطلوب مني شنو؟ اكلو ليك... معليش ما بقدر لو صرصار كان اكلتو ليك... كويس ما لاقاك الجقر


    -والله الرجاله التطير .. معليش


    واستجمعت قواها ووقفت على بعد كم متر ... وهاك يالطوب على الضب المسكين .. ما خلت سفنجا ولا شبب ما فنتو .. لحدي ما ضبنا المسكين رحل من البيت عديل مش الحمام بس




    *وفي الصباح الباكر ...


    -ااااااااااااااااه والله النومه دي احلى منها مافي .. شمار انت وين؟


    -مالك يا راجل ؟ مافي صباح الخير ولا كلمه حلوه تطلع من خشمك ده تصبح بيها علي.. مالك .. مسلسل مهند انتهى خلاص


    -خلاص عليك الله ... يلا نمشي بعد ده ... ونودع كبلو


    *طلعو من الغرفه ولقو ليك كبلو فاتح اللابتوب وشغال


    -بسم الله .. من الصباح شغال فيهو .. بتسوي في شنو؟


    =والله برسل لناس المنتدى كم مشاركه كده


    -اكيييييييد لغز ...اسالك سؤال يا شيخنا ممكن


    اول ما شفت مرتي دي مش جاك ايحاء كده


    = ما فهمتك؟


    -يعني اتشكلت ليك كده صوره او كم صوره لا اراديه جوه زهنك ده .. صح؟


    =والله اي


    -بس ده المطلوب اثباته...ده انت اتخيلت فيها كم صوره في وشها ده... يبقى باقي الاعضاء حيلقو برضو .. بس دخلها لي في لغز كم عدد الاوجه داك بتاع الصوره وصدقني مافي زول حيعرف الاجابه لانو المجال مفتوح ... مقطع يمين كده بديك كم وش.. والمقطع الشمال برضو.. ومقطع علوي بديـــ....


    =اتفضل بره قبل ما اطيرك تاني واقطعك الخور ده بالجهه التانيه طيران..


    -والله يكون احسن .. نرتاح برضو من نزلاتو وطلعاتو الما بتنتهي دي


    =بررررررررررررررررررررررراااااااااااااااااااااااااااااااااااااااااا




    * وفكو الجريه وقفلو الباب وراهم


    -انا برضو تبشع بي كده قدام كبلو


    - يا مره يا بليده .. كنت داير اظهرك في المنتدى وتكوني ثابته فيهو والناس تشوفك طوالي


    -وما لقيت الا تظهرني كده مش؟


    وفجأه!!!!


    -ده مش بيت عبير .. يا مره


    -وعرفتو كيف يا راجل يا اب عين زايغه؟


    - من ريحتو ... قصدي من الورود الخاتنها بره البيت دي


    -لالالا ده بيت برقو


    -برقو شنو البخت لي ورود برا ...جنيتي انت


    -كدي نمشي وندق البا ونشوفو منو؟








    الله بستر يا جماعه
    نصر الدين الزبير
    نصر الدين الزبير
    مراقب عام
    مراقب عام

    الدفعة : العاشرة
    عدد المشاركات : 1450
    تاريخ التسجيل : 04/09/2008
    نقاط التمييز : 5001
    التقييم : 5
    دولة الإقامة : السودان

    ما تغلط مع كبلو يا شمشار Empty رد: ما تغلط مع كبلو يا شمشار

    مُساهمة من طرف نصر الدين الزبير في السبت 20 سبتمبر 2008, 00:23

    الله اجازيك ياالريح هردت مصارينى بالضحك
    بس استاهل فى زول نصيح بطبظ حاجات كبلو
    انا طبعآ اتخيلت حيحصل ايه فى بيت عبير
    ماحاكلمك لحد مااشوف حيصدق حدسى ام لا
    (بس اللى خايف منو اشحدو المسكينة حق التذكرة للقضارف
    اركبو اجونى -عليك الله ياعبير ماتديهم)


    _________________
    ما تغلط مع كبلو يا شمشار W6w20050419015613d1d2f825
    ما تغلط مع كبلو يا شمشار 16061510
    ما تغلط مع كبلو يا شمشار Katab
    محمد علي أحمد
    محمد علي أحمد
    المشرف العام
    المشرف العام

    الدفعة : العاشرة
    عدد المشاركات : 1299
    تاريخ التسجيل : 18/07/2008
    نقاط التمييز : 4465
    التقييم : 3
    دولة الإقامة : السودان

    ما تغلط مع كبلو يا شمشار Empty رد: ما تغلط مع كبلو يا شمشار

    مُساهمة من طرف محمد علي أحمد في السبت 20 سبتمبر 2008, 01:11

    loool loool loool loool loool
    loool loool loool loool loool
    loool loool loool loool loool
    loool loool loool loool loool
    loool loool loool loool loool


    _________________
    ما تغلط مع كبلو يا شمشار 810550573
    كبلو
    كبلو
    مراقب عام
    مراقب عام

    الدفعة : العاشرة
    عدد المشاركات : 880
    تاريخ التسجيل : 18/07/2008
    نقاط التمييز : 4592
    التقييم : 8

    ما تغلط مع كبلو يا شمشار Empty رد: ما تغلط مع كبلو يا شمشار

    مُساهمة من طرف كبلو في السبت 20 سبتمبر 2008, 12:12

    والله يا ريكا انت ممسوخ خلاص
    الكلام ده بتجيل فيهو من وين
    الواحد اليوم كلو بطنو واجعاو من كتر الضحك
    loool loool loool loool loool loool loool loool loool loool loool loool loool loool loool loool loool loool loool loool loool loool loool loool loool loool


    _________________
    ما تغلط مع كبلو يا شمشار 15781610
    محمد الجاك
    محمد الجاك
    مشرف
    مشرف

    الدفعة : السادسة عشر
    عدد المشاركات : 514
    تاريخ التسجيل : 19/07/2008
    نقاط التمييز : 4302
    التقييم : 0

    ما تغلط مع كبلو يا شمشار Empty رد: ما تغلط مع كبلو يا شمشار

    مُساهمة من طرف محمد الجاك في السبت 20 سبتمبر 2008, 20:10

    loool loool loool loool loool loool loool


    _________________
    ما تغلط مع كبلو يا شمشار 16051510
    re7ab
    re7ab
    عضو ممــيَّز
    عضو ممــيَّز

    الدفعة : الثامنة عشر
    عدد المشاركات : 205
    تاريخ التسجيل : 28/10/2008
    نقاط التمييز : 4171
    التقييم : 0

    ما تغلط مع كبلو يا شمشار Empty رد: ما تغلط مع كبلو يا شمشار

    مُساهمة من طرف re7ab في الأربعاء 29 أكتوبر 2008, 21:48

    [quote
    وهنا قامت شمار تبحت في شنطتها الكحليه عن صور بنات ناس خجيجه وفاطنه.. وتدخل شمار وقبض يدها قبل ما تمرقهم وهمس ليها

    ][/quote]

    loool

    بعد تعب حتى عرفت اقرى خجيجة دي

    الله يجازي محنك ya3 ... مت من الضحك loool

      الوقت/التاريخ الآن هو الأربعاء 26 فبراير 2020, 19:50