دق جرس!!!!!!

دق الجرس دة اختراع رائع جدا,, وهنا بالذات عشان ما في واحد يقاطعك
اسئلة بسيطة نحاول نجاوبها مع بعض..
ليه ما بنحترم الصف؟؟
ليه ما بنحترم اشارة المرور؟؟
ليه لو قلت ل واحد في الشارع "شكرا" بيعاين ليك عشرة عشرة؟؟
ليه ما في واحد بيقول عفوا في البلد دي؟؟
ليه لو جمبك واحد بيسجر ما بتقول ليه قوم؟؟

دي البداية بس اي واحد عندو حاجةيضيفها يا شباب

والله يا ياسين الموضوع الفتحتو جميل جدا
ويصلح إنويكون بداية نقاش حول الإتكيت في المجتمع السوداني
عشان كده أسمح لي أنقلو المنتدى العام

محمد الجاك كتب:والله يا ياسين الموضوع الفتحتو جميل جدا
ويصلح إنويكون بداية نقاش حول الإتكيت في المجتمع السوداني

والله انا موافقك فى انه موضوع ثر وبحتاج نقاش جادى وموضوعى
والحقيقة المجتمع السودانى يفتقد تماما الاتكيت وادب التعامل مع الاخرين

مابنحترم الصف عشان اى واحد داير اكون اول زول
مابنحترم اشارة المرور عشان اى واحد داير اصل اول زول
(والشئ المخزى انهم الاتنين بعتبرو نفسهم مفتحين ودى الفهلوة)
بعاين ليك عشان مامتعود اسمع كلمة شكرا فبتكون غريبة عليه
مابتقول ليه قوم عشان اكبر مصائب البلدى الناس بتجهل حقوقها
او بالاحرى بتتجاهلها ونفس الوقت الاخرين لا يعرفون واجبتاهم
الكلام فى الحتة دى طويييييييل واى واحد ممكن انظر ليه من زاوية
نتمنى الناس تدينا وجهة نظرها عشان بالجد الموضوع جدير بالمناقشة.

محمد علي أحمد كتب:واحد صاحبي مشى سويسرا ..
قال لي في محطة البص , لو في نفرين اتنين بس واقفين , تلقاهم واقفين ورا بعض و عاملين صف !

المشكلة إنو نفس الأخطاء النحنا بنضايقلما تتعمل معانا
بعض مرات بنعملها

هنا لو اتنين مشمعين اول حاجه لازم يكون في مشكلة مع الكمساري,, بعدين السواق ينقنق اقفلو الباب,, و الجوطة والحر تكون اخلاقك خلااااااص,, قاعد على الهبشة,, تجي تفعد جمبك مرة سمييييييينة تتم الناقصة,, اهم حاجة النسوان عندهم القدرة على الونسة حتى في احلك الظروف,, تقعد تناقش معاك سبب مشكلة الكمساري مع الاتنين المشمعين,, تقوم انت تسفهها و تعمل رايح تبدا تنقنق في اولاد الزمن دة ال قليلين ادب ال ما مربيين,,
شفتو كيف
و ده غيض من فيض بس الله كرييييم
و لنا عودة

الريح ..
و الله انت مما سويت ليك جضم تحت حنكك و انخنقت بالقرف انت الأرجوانيه دي , انا اتوجست خيفة و قلت الزول دا ح ينفتح فينا !!!
بجيك راجع بي روقه ..

New sudan, this should b a new sudan, although i dont know da old 1, but this is nt da 1 i used 2 hear about,, 
Da new sudan is a mixture of stupid, mean, dirty, sick,people.. were accumulatin mainly fy alsog al3arby,,now they r everywhere,,doin wat?I think smoking, snuffing, cursing,,etc,,, 
God Only Knows 
Da new sudan is combination of careless and stupid ppl, everybody is tryin 2 steal u,every 1 thinks it is his right 2 ask 4 money,, 
Sudanese ppl have no thing other than making problems,, may b watching some other stupid ppl arguing or fighting,, 
New sudan,, sudanese stupid ppl,, plz go 2 hell,, or just stay here,Da new sudan is a "hell",, and u r da devils,,, 

والله موضوع شديـــــد .. نقة ألف

السودان .. "لا بريدك لا بحمل بلاك" .......

يس
ده السودان القديييييييييييييييييييييييييييم
زاتوووووووووووووووووووو

yaseen alameen كتب:دق الجرس دة اختراع رائع جدا,, وهنا بالذات عشان ما في واحد يقاطعك
اسئلة بسيطة نحاول نجاوبها مع بعض..
ليه ما بنحترم الصف؟؟
ليه ما بنحترم اشارة المرور؟؟
ليه لو قلت ل واحد في الشارع "شكرا" بيعاين ليك عشرة عشرة؟؟
ليه ما في واحد بيقول عفوا في البلد دي؟؟
ليه لو جمبك واحد بيسجر ما بتقول ليه قوم؟؟

دي البداية بس اي واحد عندو حاجةيضيفها يا شباب

دي ردود ع الطاير كدة

ما بنحترم الصف عشان ما بنحترم بعض

ما نحترم إشارة المرور عشان إحنا مستهبلين جننا و القوانين

و بيعاين ليك عشرة عشرة عشان الشعور بالامتنان من المحرمات يا ود ارفع راسك انت سوداني ماف زول صاحب فضل عليك

و ما بنقول عفوا عشان الكلمة دي ما في قاموسنا

وما بتقومه عشان بقت ما فارقة معاك وبدل ما بتقول ليه قوم لو سألته بتسجر مالك انت ذاتك حتولع واحدة

بما إنو هنا حتة بتاعة دق جرس
أنا داير أدق جرس




الناس نايمة ليه؟؟؟؟؟؟؟؟؟؟؟؟




يا جماعة وييييييييييييييييييييين المشاركات الجديدد؟؟؟؟؟؟؟؟؟؟؟؟؟؟




أنا زعلااااااااااااااان

اختكم جديدة وبرلومة كمااان ..
ياخي لك العتبى حتى ترضى .. ماتزعل
انااحاول اجاوب على السؤال الاول ..لكن بوجهة نظر مختلفة شوية
الناس ما بتحترم الصف لانو العاملينو ما محترمين الصف اساسا ودي ثمثل للناس اهانة في حد ذاتها
ياجماعة ابسط حاجة تعالو في شباك دفع الرسوم في الجامعة ...في الشمس والزحمة ديك يكون المسجل ورا الشباك ولا على بالو قاعد في الترطيبة وساعة لما يجي ويتكلم مع المعاهو بي جوه ويضحك ويشرب في شايو على رواقة ...ويمسك الاصال الواحد لما يعمل فيهو الختم خلاص روحك تطلع معاهو..والناس المسكينة الواقفة برا ولا هماهو وبعد دا التقول بيكتب بي كراعو ..يخربني ولاحاجة ما عرفت اقراهافي الاصال غير اسمي والبنيه ساااي ..علشان كدا انا بورط غيري في حكاية التسجيل دي ..ما اجي الا الدراسة تبدا ..

هلا و غلا رحاب و تشكري جدا,,,
بس انا زمان بطلت ازعل عشان ما يجيني ضغط و سكري و مصران و ما لجرح بميت ايلام,,
و لسة بدري عليك انتي برلومة و شكلك " ش ع " كمان و ما شفتي حاجة,,
بس خلي اخلاقك سياحية من هسه احسن ليك

ازعل دا شنو
دمي بقري+ يعني اخر من يزعل انا ..

بس عندي سؤال ..

" ش ع "

يعني شنو ؟؟؟ اصلها في قاموسي ما في

معقوووووووووووووووووووولة دا انتي بالغتي عديل كدة معناها شهادة عربية

لااااااااااااااااا حول ولا قوة الا بالله
والله فاتت علي

لالالالالا ما شهادة عربية ولا حاجة ..

ما يقع الا الشاطر

ش ع دي عندها معاني كتيرة:
1.شهادة عربية
2.شرط و عسل
3.شينة و عويرة

انتي بس اختاري

ء4 .كل الاجابات اعلاة خطاء

اختار اختار ... الاجابة رقم اربعة
شوفت ا نا شاطرة كيف في ال MCQ

عبييييييييير,,,
"السودان لا بريدك لا بحمل بلاك"
معناه شنو الكلام دة؟؟؟؟؟

احم احم احم,, نحن في السودان
لازم تكون في حاجه فاقعه مرارتكم
اتفضلو دقو جرس هنا و فضفضو