مطبخ ادم و حواء

الســلام عليكم ورحمة الله تعالى وبركاته
حبيت اعمل مطبخ عااام هنا ..
نعمل فيهو حاجات بسيطة ..تساعد ناس الداخليات والعزابة .. او حتي اذا كنت/كنتي في البيت لوحدكم
في ما يلي حنستعرض عدد من الوجبات الخفيفة

البوش
المطلوب
فول معاهم موية ، طعمية مفتتة ،جبنة معاها موية ، سلطة خضار مقطعة مربعات ومعاها بصل (حسب الرغبة )خبز مقطع ، زيت ، حبة ملح
الطريقة
تخلط المكونات اعلاها في صحن كبييير وتهرس بي كوباية او قزازة بارد في حالة عدم توفر الكوباية ..
يصب الزيت في النهاية على وش الفول ..



اندومي
مطلوب
عبوة اندومي واحدة ( وابقى زيدو على حسب الجوعة )..، كوباية -كوباية ونص ماء
الطريقة
تضاف العبوة الي الماء المغلي ويحرك لمدة 3دقايق
تضاف التوابل المرفقة معه..
لذيييييييييييذة



الشكشوكة
المطلوب
بيضة ، سلطة خضار مقطعة مربعات ، زيت للتحمير، ملح ، بهارات حسب الرغبة ( فلفل ، كزبرة ، شمار .. )
الطريقة
تضاف سلطة الخضار الى الزيت المغلي وتقلب.. ثم تضاف اليهم البيضةالتي اضيف اليها الملح والبهارات سابقا ..
تقلب المحتويات على الوجة الاخر بحرفنة كدا لكي يستوي ..
في بعض الاشخاص يحبذوا ( تحريك الخليط مع بعضة ليستوي وتكون النتيجة مفتتة )
تخريمة
يمكن استبدال الخضار بلحمة مفرومة (بنفس طريقة التحضير السابقة )


الشوربة
المطلوب
لحمة مقطعة مربعات ، خضار مقطع مربعات برضو ، موية للسلق، ملح ، فلفل
الطريقة
تجمع المكونات اعلاه في قدر تحت نار متوسطة وتضاف اليهم البهارات والملح في النهاية
بعد كم دقيقة ما عارفة تكون الشوربة جاهزة (لما اللحمة تتسلق )..
تخريمة
لناس الداخلية والعزابة
.. بسيطة جدا
احضر عبوة من الشوربات الجاهزة(كنور )وافرغها في 4كوبايات موية على نار هادئة لمدة 15 دقيقة ا


بالهناء والشفاء ..
وللبقية عودة باذن الله ..
واللي عنو اكلة ما يبخل علينا ..

والله يارحاب مفروض نطلق عليك فاكهة المنتدى
وانتى بالفعل ماكان يفتقده المنتدى
مشاركاتك اضفت للمنتدى الق جميل وروح مرحة
واصبح المنتدى يفوح بعبق حواء بعد مشاركاتك
وياريت تكون ليك اسهامات فى عالم حواء بمختلف احتياجاته.

يا سلام عليك يا رحاب اني اتضور جوعا بس عليك الله ما تنسينا من الحلويات

رحاب ما شاء الله عليكي طبااخة و سمسارة و دكتورة و يا ترى الأيام مخبية لينا شنو كمان



بس استفسار بسيطة الشافعة ال بتاكل في الاندومي دي متاكدة انها ما انتي

دكتور نصر الدين شكرا على هذا الاطراء
ربنا يديك الصحة والعافية
ويخليك للمنتدي

رحاب ما شاء الله عليكي طبااخة و سمسارة و دكتورة و يا ترى الأيام مخبية لينا شنو كمان

وبث

بس استفسار بسيطة الشافعة ال بتاكل في الاندومي دي متاكدة انها ما انتي

بناءا على طلب الاخ عمرو
نقدم لكم الحلو (حاجات بسيطة يعني تنفعكم يا عزابة وتنفع ناس الداخلية برضو )..

السحلب
المطلوب
كوب حليب ، ملعقة ونصف سحلب بودرة ، مكسرات ، سكر
الطريقة
ضع الحليب على النار حتى يغلي
يضاف السكر الى السحلب في كوب ويضاف اليهم شوية موية او حليب ويحرك الخليط (علشان يذوب كويس)
يضاف الخليط الى الحليب ويحرك
تضاف المكسرات بعد ذلك (بعض الناس يفضلون انها تكون على الوش فقط )

تخريمة
بالامكان زيادة او تقليل كمية السحلب المضاف وذلك حسب القوام الذي تحبونة



الارز باللبن

المطلوب
كوب ارز ، كوب ونصف ماء ، كوب حليب ، سكر ، ذرة ملح،زبيب
الطريقة
بعد غسل الارز ضعة في القدر ويضاف الية الماء والملح
بعد ان يستو ويتشرب الماء اضيف الية الحليب المحلى بالسكر (حسب رغبتكم )
ويضاف الية الذبيب مع التحريك
كدا الارز باللبن جاهز

ياجماعة المقادير اللى ذكرتها دي خاصة بي.. يعني الحكاية اذا خربت عندكم انا بررررره
بالهنا والشفاء
منتظرين ابداعاتكم يا جماعة
وللبقية عودة ان شاء الله

السحلب
المطلوب
كوب حليب ، ملعقة ونصف سحلب بودرة ، مكسرات ، سكر

يا رحاب , والله بالغتي عديل كدا !
السحلب !
انا قمت قعدت علي حيلي , قلت اشوف السحلب دا بيسوهو كيف , و بيبدوهو بي شنو لحدي ما يبقى سحلب !
تقولي لي جيب سحلب و سويهو ؟

انا قايل السحلب دا زي الزبادي , الزول بجيب حليب و يتصرف معاه , او زي الملاح , بيبدأ بي حاجات بسيطه و معروفه و في النهايه يطلع ملاح !
يجي السحلب يطلع اساسا كان سحلب ؟

انا قمت قعدت علي حيلي , قلت اشوف السحلب دا بيسوهو كيف , و بيبدوهو بي شنو لحدي ما يبقى سحلب !
تقولي لي جيب سحلب و سويهو ؟

شكلك كدا ما قعد تدخل المطبخ
السحلب بتشتريهو من المحل على شكل بودرة ويكون مخلوط معاها مكسرات( في بعض الاحيان يكون كل عبوة على حدا )
وهو في الاصل عبارة عن عشب معمر ينمو بارتفاع 60سم له أوراق ضيقة غالبا ما تكون ملطخة بلون أسود. للساق أزهار بنفسجية وله جوزان من الدرنات الأرضية مستطيلة أو بيضاوية الشكل لونها من الخارج أسمر فاتح ومن الداخل قشدي مصفر
الجزء المستخدم من السحلب هي الدرنات الموجودة تحت سطح الأرض. تحتوي درنات السحلب على حوالي 50% مواد صمغية وهلامية وعلى بروتين ومواد مرة وعلى حوالي 30% نشا، 13دكسترين وبتوزينات وسكروز والزلات كالسيوم ومعادن وزيت طيار.
يعتبر السحلب ذو قيمة غذائية كبيرة في أوروبا فهو مقو ومضاد للإسهال المزمن والمصابين بالدسنتاريا وفي بريطانيا يستخدم السحلب لمرض السل وللناقهين. كما يوصف لحالات التسمم. كما يستعمل لإيقاف نزف الرحم
ان شاء الله الصورة تظهر ليك

[quote="محمد علي أحمد"]

يا رحاب , والله بالغتي عديل كدا !

السحلب !

انا قمت قعدت علي حيلي , قلت اشوف السحلب دا بيسوهو كيف , و بيبدوهو بي شنو لحدي ما يبقى سحلب !

تقولي لي جيب سحلب و سويهو ؟



انا قايل السحلب دا زي الزبادي , الزول بجيب حليب و يتصرف معاه , او زي الملاح , بيبدأ بي حاجات بسيطه و معروفه و في النهايه يطلع ملاح !

[b]يجي السحلب يطلع اساسا سا كان سحلب

مش قلت ليكم من البرالمة نتعلم

معليش يا جماعة
طولنا من المطبخ...
المرة دي حنقدم ليكم كيكة ظريييفة
الكيكة الاسفنجية ..

المطلوب
3 اكواب دقيق
1ملعقة واحدة بيكن باودر
2/1 نصف ملعقة ملح
4/3 ثلاث ارباع الكوب زبدة بحرارة الغرفة
4 بيض
املعقة فانيلا
1 كوب حليب
2/1- 1 كوب ونصف سكر

الطريقة
نقوم بخلط البيكن باودر والدقيق والملح مع بعض ونتركم جانبا
ثم نقوم بخلط الزبدة مع السكر الى ان يصبح قوامها كريمي لمدة 5 دقائق
نضيف البيض واحدة تلو الاخرى ويخفق جيدا بعد كل بيضة (يمكن استخدام الخلاط العادي)
بعد ذلك نقوم باضافة الدقيق بالتناوب مع الحليب مع الاستمرار بالخفق حتي يصبح الشكل النهائي للخليط ثقي ولين بعض الشئ
بعد ذلك يصب الخليط في صينية مدهونة ويدخل الفرن

تخريمة
للتأكد من ان الكيكة استوت.. نقوم بادخال عود الى وسط الكيكة وخروجه نظيف ..

التزيين
انتو وزوقكم ..
ممكن كريمة معها فواكه
او عمل جزء منها بالكاكاو
او اي شي ترغبونه

والكعكة مجربة ........

صورة الكيكة قبل ما تدخل الفرن

الكيكة بعد ما طلعت من الفرن
ما صورتها لانها اتحرقت ... سرحت مع التلفزيون
طيب حالة المطبخ ....



وبالهناء والشفاء..

باالغتي لكن الكيكة كان شكلها ظريف شديد



رايك شنو المرة الجاية تجربي
ال Cheese cake

شكاك سمعت كلامك وعملتها ...
لكن مافي زول جاملني واكلها....
اكلتها براااااااااي
يمكن الطريقة غلط ..
كدي ورينا بتعملها كيف

لعشاق الشوكولاتة.
يمكن تكون دي الاكلة الاخيرة
لكن انا عارفاكم ..ما معقولة تقفلوا المطبخ بي وراي وتجيبوا دلفري من برا ..
المطلوب
1كوب سكر , 1كوب زبدهـ ( أصبعين )

1كوب من حبات الشوكولاته

4\1 ربع كوب جوز مكسر قطع صغيرهـ

او فول سوداني مكسر او اي نوع من المكسران اللي تحبونها...
الطريقة

نضع السكر والزبدهـ في القدر

على نار منخفضة جدا مع الاستمرار في التحريك
الى ان يصبح اللون اسمر وتصل درجة الحرارة 300 فهرهنايت تقريبا

بعد ذلك نصبها في الصينية وتترك لمدة خمس دقائف ..
ونضيف اليها حبات الشوكولاتة وبعد ان تذوب الحبات نمسحها على التوفي

بعد ذلك نفرش الجوز او الفول السوداني ثم نتركة ليبرد بشكل كامل ..

بعد ان يبرد نقوم بتكسيرة الي قطع كبيرة

وتقدم ....
بالهناء والشفاء

والله يا نصر الدين احبطني شديد ....، كفاية علي ناس البيت
كتر خير مرة الجيران .. ما قصرت اكلتها معاي وعجبتها
واكلتها لي ابوي ... لكن شكلو خاف تحت تحذير اخواني الشديد ليهو
بقى يسأل عملتيها كيف ...فيها بيض ..فيها باكنج بودر