سمعة الكلية إلى أين

أرجوا من الجميع التصويت يمصداقية
أن نسأل انفسنا من المسؤول عن رفع أو تدني سمعة الكلية

شكرا لهذا الإطراء الذي لا أستحقه وسأسعى لأكون عند حسن ظنكم
واعدكم أن أتواصل بالمنتدى طالما كنت متصلا بشبكة الإنترنت

اولا يشكر الاخ محمد على هذا الاستفتاء الجميل
اولا الاسلامية وتحديد كلية الطب
وفيما يخص هذا التصويت له 3 محاور
سمعة الكلية لدى ابناءها وثقتهم بأنفسهم وبكليتهم
وسمعة الكلية والجامعة لدى باقي جامعات السودان
واخيرا سمعتها عربيا وعالميا
اصالة عن نفسي حيث انني ابنا لهذه الكلية فهي تحمل نظاما قويا من حيث المقرر ومن حيث التطبيق وانتهاءا بالامتحانات
قد لا يوجد في كلية اخرى مشابها صعوبة هذا النظام
اما بالنسبة لسمعة الجامعة والكلية لدى باقي جامعات السودان والمجتمع السوداني فالاغلبية يحمل الفكرة السلبية لبعدها وشكلها الخارجي وانها مفصولة واسمها الاسلامي
اما بالنسبة عربيا حيث انني ذهبت الى سوريا والان في السعودية فصراحة كليتنا تحمل سمعة طيبة وتحتل مراكز متقدمة في ترتيب الجامعات وحتى خريجين كليتنا لهم بصمات في المستشفيات داخل وخارج السودان
اما عالميا الله اعلم
ولكن ما يهم سمعتها داخليا
وللاسف غالبيتها سلبية لانهم وباعتقادي على الشكل الخارجي لا على المضمون
وشكرا

السلام عليكم
أشكر الجميع على هذا التفاعل الجميل والمشاركات التي أثلجت صدري خصوصا حديث أخي د.رامي عن سمعة الكلية الطيبة التي وجدها خارج السودان في سوريا والسعودية
ولي حديث آخر عند نهاية التصويت.
وشكرا مرة أخرى للجميع

السلام عليكم-الجامعة سمعتها سيئة بسبب اسلوب الطلاب انفسهم والكلية!يعني موضوع معقد شدييييييييييد لو حاولت تصلح حاجة حاتتخرب التانية.ولكن يبقي باب الا مل مفتوح

انا بختلف معاكم
حاليا انا شايف انه سمعت الكلية أفضل من الواقع
واقع الكلية اليو أليم و مرير و أكبر دليل التشتت و التشرد العايشنه و لكن بعد دا كله تلقاها من أهم خيارات كليات الطب

و السمعة الجيدة الجات للجامعة صنعوها الطلاب بعد ما اتخرجو بسبب اجتهادهم الشخصي ولم تصنعها الكلية للاسف

السلام عليكم_طبعا مشكلة الطلبة المكوشين ع زمام الامور اصبحت مشكلة عندنا نحنا طلبة الدفعة 17 ودي حاجة نفسيا ما مريحة اصلا مافيش حد احسن من احسن نحنا دفعة واحدة.وزاد الطين بلة انو ادارة الجامعة تعلم هذا الشئ يعني حاجة تجيب القرحة !!!!اصلا دي جامعة ماشة كدا بالنية بس ربنا يسهل ويستر علينا بس ونتخرج.او نتخارج بالاحري.ع العموم الدنيا كلها ماشة بالعكس وفي النهاية دي جامعتنا يعني سيك سيك .اسفة لو كترت الكلام بس والله حاجة تمخول المخ زي ما بقول المصريين زكمان انا غلباااااانةمع تحياتي لكل طلبة الاسلامية الصابرين

السلام عليكم
تحياتي ليك أخ محمد مبارك و للدكتورة و شكاك
وكــــــــــــــل صبور في الكليه
...
نحن هنا ما في موقع و لا منصب يخول لينا محاكمه فرد او اداره على الفرص و التصرفات البتحصل...
و الاخت الدكتورة قولي الحمد لله انتو اكتر دفعه محميــــــــــــــــــــه
و حظكم جميييييييييييييل..... دا ما حسد لا سمح الله بس اللقيتوهو ماف دفعه مما اسسو الكليه لقتو.... ما عارفه ليه؟
بس برضو و الحق يقال عندكم ناااااااس كدا كأنو الجامعه دي حقت اهلهم طايحين شمال ويمين...
موضوعنا: الكليه منذ العهود الاخير ه شهدت الكثير من التطورات في القدرات و المقدرات و المباني و التشجير و التوااابع، يعني لو جا ضبف من بره الجامعه او الكليه يحلف يقول انو دي احسن بيئه دراسيه
و بالجد دا جو جميـــــــــــــــــــل جدا للقرايه و ما فيهو اي كلام
بس ليه الكليه ببدء فيها موضوع و:
1. ينتهي قبل ما يعرف بيهو اكتر من 5 طلاب بس
2. ما بمش لقدام لانو الناس ال..... مشغوله بمواضيع تانيه ، وطبعا ما ممكن يمسك الموضوع زول تااااني من الطلبه
3. انا بس دايره اعرف كيف و ما هي الشروط الواجب توفرها في اي طالب غلبان عشان يكون موضع ثقه للاداره و الكليه؟؟؟؟؟ بغض النظر عن المستوى العلمي.....
ملحوظه: عاوزة اعرف الجديد في موضوع قااااعتنا المنهوبه
و اعرف اقدر اشارك بشنو
و الاحداث القادمه شنو؟

السلام عليكم_وتحياتي ليكم كلكم.طبعا مافي حاجة تخوف يا د.محمدمبارك بس انت اسأل التوزيع بتم كيف في الدفعة وانت حاتفهم!!!وبصراحة الموقع اداني فرصة اقول النفسي اقولو من انا دخلت الجامعة دي بعد اذنكم طبعا... مكوشين يعني تقريبا الجامعة ماشة بكلامهم يمين ولا شمال ما فارقة بس انت طالب في الاسلامية ما عليك الا تدفع الرسوم وتسكت واي كلام ما حلو براحة بتطلع من المولد بدون حمص .المهم يا زي ما قلتي يا قلولة سوري لو الاسم ما صاح القاعة الحاصل فيها شنو؟؟!اصلا الجامعة دي كلها ما فيها حاجة كويسة غيرا ونحنا ما اظن في ايدنا شي نعملو لانو اصلا كطالبة في الاسلامية حقوقك مهضومة كلها بس برضو لو عرفتو حاجة ممكن نعملا انا اكيد معاكم ومادام في ناس بتخاف ع الكلية وعلي مستقبلنا انشاءالله بتتحلا.تاااني اسفة.مع تحياتي

ازيك يا دكتوره
انا بحيي الشجاااعه لانو ما فضل غيرها
اقصد شجاعه الكلام...
المهم يا دكتوره والله انا عارفه انو كليتنا ماشه على كيف ناس معينه بس عما قريب حاجات كتيره حتتغير و ان شاء الله بيدينا نحن و انتو وكل البحبو الجامعه ودايرين مصلحه الطلبه
بالنسبه لررسوم ف كليتنا معرووووووووووفه دكـــــــــــــــــــــــــــان مكتوب فب بابه العندو يخش يشتري
و المـــــــــــــــــاعندو ماف داعي اصلا يركب مواصلاتنا
و الفقير ما يقرا و الابوهو وزيـــــــــــــر هو اكيد طبـــــــــــــيب المستقبل
الفقران دا يجيب حق المواصلات للجامعه من وين لحدي ما يقدر يدفع الرسوم
شوفي العيبه : انا سمعت مقوله من دكتور كبـــــــــــــير في السودان نظريتو انو الطب ليس لابناء الفقراء
، اتخيلي الفهم دا ، ايوا هو غني بس_ الله ير حمو_ نسى انو الله اغنى منه

بالنسبه لموضوع القاااعه يارريت نشوف المنتدى المخصص للمناقشه حول الموضوع
...
دكتور محمدمبارك اعملو المنتدى سريــــع عشان اي زول يخش موقع الكليه يلقاهو
، والله حقنا ما حنديهو لزول حتى لو بقت خراااااااااااااااااااابه

هاهاهاها شجاعة شنو !!!زي ما قلتي ما فضل غيرها صراحة فهم غريييييييييب بس دا الحاصل!!!هع هع هع ايواااا حرابة مرة واحدة .بالغتي والله......بس ربنا كرييييييييييم

معليش يا دكتورة بس شكلك ما فهمتيني صح و لا انا المافهمت فهمك
بس على قولك ربك كريييييم
و ما اي حراااااابه قنبله...

انا قصدي ع كلام الدكتور ع الطب والغني.لك كل الاحترام والتقدير(ما انتو السناير)

ايواااااا كدا ممكن
و بلاش حنك السناير لانو ماف حد اكبر من حد ولا كييف؟
مستنيه رد د. محمد على موضوع القااااااااعه...

هاهاها_ايوا كلامك صاح_القاااااااااااااااااااااااااااااااااااااااااااااعة زمان كنت شايفاها ما مفيدةلكن بعد الحصل حسيت بقيمتها يادوب .الحاصل شنو يا د.مجمد في القاااااااااااعة.

استميحكم عذرا في نقل الموضوع لمنتدى اخبار الكليه ( تاريخ - تعريف - اخبار - نقاشات - هموم الكليه )