نــــاس ونسه ســـــــــــاي !

يا دوك الحاصل شنو؟ الدفار ده طقو عين كان اول قسم اتحرك بعد داك نام النومة الياها

على فكرة شغل جميييل جدا في كمية من الأقسام ما عارفة ابدا بياتو واختم بياتو.. يديك العافية شايل المنتدى على اكتافك انت و ابراهيم

يا عبير ...
والله قربت اكتب عنوان الموضوع يا عبير !
عارفك ح تجي ناطه , تحبي الشمار زي جوع بطنك ! ( دي كيف دي ؟)
الدفار بدور , و الموضوع دا ان شاء الله بيجر لمن نتحير زاتو ..
اها قلتي لي رحلتو وكدا ؟

بالغتا معاي لكن..

احنا رحلنا زماااان وقبل يومين امتحنتا لي امتحان كده اسكت بس خلي ساااااي اصعب منو الا امتحان الاخرة

انت كدي وريني حكاية الدفعة العاشرة شنو؟

دا امتحان شنو دا اصلو ؟
ما يكون امتحان رخصة ؟؟؟
والله ما عارف اقول ليك شنو في ناس العاشره ديل !
اسه لو قلنا ليك لانهم احسن دفعه و ناس نشيطين ح تتحسسي , و لو قلت ليك امكن بيجاملو فيني اكون ظلمتهم .
انتي رايك شنو ؟
لكن ما ناس لذيذين عديل ؟
العاشره يا !!!

internship selection exam..
لكن ما كان اكزام .. كدي انساني منو هسا
اصلك ما تلاوز مني ما بتحسس عااااارفة الحاصل والله وما شالله عليكم ....
كدي نحاول نحرك ناس الدفعة مع انو معظمهم جايطين مع بداية الامتياز عشان ما احس اني مقطوعة من شجرة..

كدي يا بوس الأيام دي بهبش في موضوع البرمجة اللغوية العصبية
رايك شنو فيها؟

دي ونسه ليك اسه يا عبير ؟

والله انا هسا الحالة اتقطعت ليك عديييييل ما عارفني سااي انت
انا معروفة ما بعرف اونس لي زول نهاااائي بكون ساكتة زي السمكة
بس لو انفحتا تاني بكوسو اليسكتني

ياااا بوس شفتا فيديو تخريجك في الفيس بوك .. حلااااتك والله ..
والـ ستوب عندك لكن .. لحظة فرح صادق ما ليها مثيل مش كده؟ وما شالله الظاهر دفعة حلوة شديد ..
كدي وريني كبلو ما كان يخت تخريجو هو زاتو عزلك برااك لي؟

تصبح ع خير

والله ما شاء الله محمد علي ضارب السكناب
بعدين البرمجه اللغويه العصبيه دي عندها علاقه بالنوي السوداء و ما تحت الوهاد؟وهل محمد عبد الجليا بيعرفها؟

يا صغير ..
يا محيرني و متحير !

بالنوي السوداء

الموضوع عندو علاقه بالبلح ؟؟؟

تحت الوهاد

وهاد .. نصر .. شهاده !
والله انتو دايرين تطفشونا من الدفار دا !
وهاد في السخانه دي ؟