ارجو المســـــــــــاعدة..برلومة وغلبانة

السلام عليكم ورحمة الله تعالى وبركاته
برلومة وغلبانة
عايزة اعرف مواعيد الدراسة للدفعة 18 بالضبط متين؟؟؟


ارجوكم ساعدوني

يا برلومة و غلبانة انتي مساكي زين
الدراسة لسة مافي موعد محدد بس الليلة بدت الملاحق و هي بعد الملاحق مباشرة
فلو عندك جية تعالي سريع
و اهلا بيك في المنتدى

مساك الله بالخير اخي عمر
انا عارفة حكاية الملاحق البدت دي .. بس عايزة اعرف الدراسة حتبدا متيين علشان استعد وكدا
طيب لما مواعيدها تتحدد ادونا خبر ضروري جدا .. علشان ما اتشر بي جاي ضروووري ها....

ما اوصيكم يا ناس الاسلامية

عشان ما تتشري شوفي الملاحق بتنتهي في اي يوم و الدراسة في بداية الاسبوع البعده طوالي حسب ما اعتقد بس برضه بنتأكد و نشوف

الدراسة مش المفرووض تبدا 5/11؟؟؟؟؟



غايتو مع فوضة الكليندرات في الجامعة نوووووووووومي ساي

خمسة

الناس بدت الملاحق يوم 27 ما معقولة تخلص يوم 5
سبعة كورسات +جمعة وسبت +احتمال قابات
لالالالالالالا معقولة
انا حانوم واول ما تعرفو خبر ....ما تنسوا تقولوا عووووك بي جاي

في اشاعة انها يوم 15

طبعا جرسة رحاب زكرتنى ايام الكلية
والله الواحد من ارجع اهله لو ليه مراد مااعرف اى حاجة عن الكلية
ناس 18 فى تالتة بس ديل نازلين يوروجينتال عندنا ود جيرانا معاهم
وكمان شنو قال لى لغو ليهم الاانترميديت من السنة الفاتت
قلت لى والله حقو والواحد ارجع اقرا من جديد
كيتة فى الانترميديت والارهاب العملو لينا

نصر الدين الزبير دفع الله كتب:
قلت لى والله حقو والواحد ارجع اقرا من جديد
كيتة فى الانترميديت والارهاب العملو لينا

هاهاها انترميديت ده كان سعااااااااادة,,, بعد ما انتهينا منو كنا موحشين عدييل ما بنعرف نتكلم في حاجة غير العلم,,,, وشايفين الناس دي فارغة و ما عندها موضوع,,
هسه بقينا نحن الفراغ زاااااااتو

و على فكرة انتي شكلك برلومة جادة اكتر من اللازم ,,, دكي ليك اسبوعين كدة بعدين فكري تجي,,
اسمعي كلام سنايرك

ما جادة ولا حاجة ...
بس دي شفقة ساااااي
وبعدين ناس البيت ما مريحيني كل يوم في الغداء اخبار السفر شنو ؟؟؟
اها نحجز ليك متين ... بس ضايقيين لما امشي ما عارفة انا عملتليهم شنو؟؟...

حكاية الانترموت اقصد الانتر ميديت دي انا ذاتي ما كنت عارفاها
بعد ما دخلت اولى حتى عرفت انو مافي وانو بقى خمسة سنوات
ولما جيت تانية رحلونا المبنى الجديد

شفتو كييييييييييف
حسة انا داخلة تالتة ان شاء الله يقولوا مافي امتحانات اصلا ...
قولوا آآآآمييييين

ياسينو الما بتلحقو جدعو انا مثلا من الناس الاستفادو من عدم انترميديت مشيت رابعة بأقل مجهود و اسي مبسووووووط

ياسين كلامو صح عندك انا اكبر مثال ع الناس البيجو بدري و يتشو ساي اقعدي هناك احسن ليك

بس ما اسبوعين عشان ناس البيت ما يطردوك

و على فكرة انتي نزلة تالتة يا برلومة,, يعني انتو اسياد الفتيحاب و الثورة,,برلومة وييييين؟؟؟

على فكرة يا ياسين البت دى شكلها حناكة شديد





دى كمان طلعت سمسارة درجة اولى.

حنك نمل يا نصر,,, زاتو الحنك دة نحن اسياااادو,,
والا شنو يا برالمة؟؟

يا جماعه ده شنو
يا رحاب نحن بسأل الناس بدت ليها كم اسبوع مش حنبدا متين
نومي كم يوم كدهوخلي البرد ده يجي حتين تقعدي مع نفسك بعد صلاه الاستخاره اربعه خمسه سته مرات وتجيك فكره انو انتي لازم تفكريفي الفكره بتاعت انو الجامعه فتحت ولا لا

السلام عليكم ورحمة الله تعالى وبركاته
اخ محمد .. اعزرني ما فهمت عليك
حسة عايزة اعرف الحاصل شنو .. ناس تالتة نزلو ولا لسة؟؟
الرد ضرووووووري
يا جماعة ساعدوني

الكلام ده بفهمو جاكو ويس وشكاك
لسه ماف قرد نزل
ياخ اقول ليك حاجه تعالي راجعه ساي وانتظري

اححح
الحمد لله ..
دا لو كان نزلو .. ناس البيت كانوا حيكرشوني بررررررة في ليلي دا

ياخ اقول ليك حاجه تعالي راجعه ساي وانتظري

ارجع دا شنو ..ما حارجع الا وبكرا الدراسة

ليقه انتي ولا شنو يا رحاب
هم تلقاهم ما صدقو ودايرين سبب يطردوك ء

يا رحاب ما اتعرفت عليك و لقيتك مأملة في الجامعة دي شديد شوفي ليك شغلة اشتغليها احسن ليك

يا رحاب بختك الجامعة يوم 14 /12
نومي ساي و بختك حتعيدي مع ناس البيت جيبي البشارة