الحبيب المشير البشير

جميلة و الله يا نصر الدبن ......... فعلا الشعب السوداني بأكمله فداك يا عمر

thanks boss .

ئيشكرا السادة الدكاترة لفتح موضوع يختص بأمر القبض الصادر بحق الرئيس
قرار المحكمة الجائر ولا ماجائر
المهم وجهة الرفض ليهو ما من منطلق صحتو لكن من منطلق رفض التدخل الخارجي
للأسف القرار البثبت فشل الحكومة السودانية على مدار 20 سنة داخليا وخارجيا
أصبح وسيلة دعاية رخيصة لبضاعة فاسدة كانت ولازالت تواصل نشر سمومها داخل جسد الشعب السوداني
نعم الشعب ضد القرار
لكن ليس مع البشير

يدييك العافية يا جاكو,,,
ضد المحمكة لكن ما مع البشير

انا مع الشعب الذي لا حول له ولا قوة
وضد المحكمة الدولية

كلنا معاك يالبشير

لا هو رئيس غير منتخب
لا هو رئيس اصبحنا في عهده نعرف النت ولا نجد الكهرباء البنشغل بيها النت
لا هو رئيس سرق الحكم من حكومة ديمقراطية لم تجد الوقت الكافي لنحكم لها او عليها
لا هو رئيس في سنة اولي حكم 95% من الشعب السوداني تحت خط الفقر وبعد 20 سنة حكم ايضا 95% من الشعب السوداني تحت خط الفقر
لا هو رئيس لدولة بلا تعليم بلا صحة بلا امن
لا هو رئيس قبله كنا لا نملك كلنا وبعده اصبح هم يملكون ونحن نبحث عن الهجرة
لا هو رئيس لدولة اسلامية لا تعرف من الاسلام الا الفتاوي التي تبرر عدم سفره
لا هو رئيس في عهده اصبح خبر الفساد عااااااااااادي زي الزبادي
لا هو رئيس اصبح فيه التعليم خاص والعلاج خاص والعنوسة من الجنسين عامة
عربات الاسعاف بنهديها للشعب الفلسطيني ومستشفي بحري فيها عربيتين اسعاف
50 عربية جياد للفريق المصري الفاز بكأس افريقيا وناس حمرة الشيخ ودي في السودان بموتوا لانو السيدة الحامل بجيها نزيف ومافي عربية توصلا المستشفي
لا لانو رئيس دكاترة الكيزان بمشوا فلسطين يعالجو الجرحي وما بمشوا بارا الا في وفد رسمي
لا لانو ماريئس للخرطوم وملكال وحلايب والفاشر وكجبار
لا لانو مارئيس تتعثر بغلة بالدلنج وهو مسئول منها لو ماكان سبب عثرتا حفرة دفنوفيها سيدا
لا لانو بقينا في 2009 ومجلس وزرائه بصادق علي ختان الاناث-ياخ هي السعودية ماعندها كلام زي دا
وعشان الحيجي يقول السودان اصبح دولة اسلاميةالاسلام جوهر وليس مظهر
وعشان الحيجي يقول طلعنا البترول ويني؟ احسب قبلها دخل الفرد ؟ وبعمل شنو؟
وعشان الحيجي يقول في تنمية؟
وينا التنمية البدون انسان للتنمية نصفنا هاجر والنص التاني بفتش ليهو مخارجة حتي لو كانت اسرائيل-ياخ معقول بقينا نهرب لاسرائيل؟؟؟؟؟؟-

حنبنيهو.

البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه

وطن بالفيهو نتساوى
نحلم. .نقرا ..نتداوى
مساكن كهربا ومويه
تحتنا الظلمه تتهاوى
نختّ الفجرِ طاقيّه

وتطلع شمس مقهوره
بخط الشعب ممهوره
تخلي الدنيا مبهوره

داخليا بقينا اون لاين لكن في الحياة بقينا اوت اوف لايف
خارجيا الصين وروسيا ديل بعرفونا من زمن اهل الكهف- الحزب الشيوعي- ماعشان سوادعيونا عشان مصالحهم معانا وباكر كان ضربت المصالح دي بعملوا مننا طنااااااش

معلييييييش يا دفعة الانقاذ لا صنعت نت لا كمبيوتر و لا كهربا زي الناس زاتو عشان تعملني اون لاين,,
و الناس اكترمن كده اون فوت تمشي وين...
الشعب اندر فوت عديييييل يا حبة.. ابسط حاجة الباعة المتجولين وقت الكشة قمة عدم احترام الانسانية
و الناس ال طلعت مظاهرات دي اغلبها ناس بسييطة زي اغلب الشعب السوداني و دافعين ليهم و الا لا دي حاجة بنعرفها كلنا,,,
و لو شايف 99% من الشعب السوداني مع البشير ف سلامة نظرك يا عزيزي
و اخيييرا,,لو ما مع البشير تكون مع اي زول ما طلع زيتك

وشكرا تاني ياكبلو علي الرد الصامت

يا اهلين وسهلين بالشباب الرائعين اللي دايما بيزودونا بمواضيعهم الهادفه،،،
عموما يامصطفى أنا إختياري نعم لأنه لو أطعنا من في الخارج ذللنا وإنهنا زي ماحصل للعلااقيين اللي صاروا بتباكوا عليه بعد إستشهاده،، حابي أذكرك يامصطفى إنه آخر إستفتاء لصدام حصل على نتيجه 100% قبل الإحتلال،، فليس كل ماتراه هو صدق ولا حقيقه حبا في البشير ولا أهل الإنقاذ،،،
عموما ماتفكر إنه ناس الإنقاذ -زي مابقولو- إنه يجو يتجملو علينا بالنت ولا بغيره،، كان أصلا ماسوا كدا قالعينها من حكومه الأحزاب لشنو!!! عموما ماتبقي دفاعك عن مايسمى الإنقاذيين إضحوكه،،، ياخي كان جايين يتمننوا علينا بالنت ولا بغيره من الخدمات -دا لو في- إتذكرو إني دي أمانه عليهم كأهل حكم،،،
وأضحك الناس بقصتين:
الأولى انو أهل الانقاذ جو عشان يحصل الجنيه إتدهور قدام الدولار بقى ب 3 جنيه ونص!!!! هسي بقى بكم!!!! يمكن تغيير إسم العمله الجديده يبقيها أقل شويه!!!

والثانيه إنو جدي الله يرحمه كان مع واحد من الحلفاويين فقال ليه الحلفاوي متذمرا: يا أخي خليهم يرجعونا من الحته الأنقذونا منه!!!!!!!!!!
عموما يامصطفى درجات تطور الأمم والتغيير اللي حصل بالشعوب يقدر بمقدار تقدم وتطور تلك الدول ومقار التفوق صحيا وأكادميا وثقافيا وغيره،،، أرجوك بالله تبقى صادق مع نفسك وأحكم هل إحنا تطورنا ولا....
ودمتم،،،،
 

لن أضيف على كلام جليل حرف واحد
فعثرات الإنقاذ لا تحتاج لعد
لكن إسلوب الإنقاذ في التعامل مع الجنائية في تحويلها لدعاية لنظامها الفاشل
هو إسلوب رخيص يشبه تماما الإنقاذ

القصة ما تهميش ولا حاجة لكن زي ما قلت كلام جليل كفى وفى