الدفار يا حليلو

الدفار ياحليلو كان مونسنا رغم إننا ما حضرنا منو كتير لاكن الزمن البسيط القعدناهو فيهو حسسنا بحنيتو لاكن الزمن بغير الاحوال وغايتو ربنا يرحم أيامو
وإنشاالله المنتدى ده يعوضنا الدفار بس ناقصاهو حاجة واحدة
خالتي ريا

محمد علي دا كلام شنو دا
الدفار قفلوه متين
انا قبل شوية كاتب مشاركة كنت اخشى فيها على الدفار ان يلحق يوتيوب
لكنه ادركه قبل ان تخرج من حلقي
شاهت وجوههم
حرقو بالسفالة ماضيا مضيئا في سماء الابداع
وخالتي ريا مشت وين؟
سلامة عيانها
وسلم عليها شديد عليك الله
زمن كان تاج الدين يجي من الصباح
وطارق جاديكا وكدو
خالد صديق
ودالنعمة
غبشاوي كان شاف الحتة بيئه... لكن مره مره بخش
هو انا زاتي كنت شايفها بيئة وتراب وسخانة.. بس كان فيها حته شيرية... عجيبة
بعدين خالتك رية لما تقعد تكشف لي وانا جايب حمامة بخلط فيها وكت الناس ما فيشه وتقعد تتبسم لي.. وانا طالع بتقول لي البت دي بتاعت حنك ساي ما تضيع وقتك وانا اقول ليها كدي بس ما توري الخيابة المعاي ديل
اييييه ايام
ولمن فجأة كده ضربت قصة الشعر في الدفار
الموضوع اخد ليه كم شهر كده جادي بعد داك لحقوه المقابر
غايتو حاجات كتيرة
غير لما نجي نلقاه مليان بي ناس التمريض... انا غايتو كنت طوالي بقلب على الاطباء بحكم اني زول طبقي وكده
واهم مقاطع
اول ما بدينا نتعرف على التشكس بتاع دفعتنا
افهم ناس
وبالجد مافي زيهم (طبعا ما كلهم)
ايام عجيبة
غايتو لو ما كان في سبب مقنع عشان يقفلوه... الله يحرق الكان السبب

الاصدقاء الاعزاء
والله الدفار كان من المشاهد المميزه للكليه
وكم انطلقت منه مناسبات و مناسبات
و خاله ريا كانت نعم السند