الرئيسية
التسجيل
+5
نصر الدين الزبير
yaseen alameen
Abeer B. Al-imam
كبلو
محمد علي أحمد
9 مشترك
ديوان ( وهج القرمبع )
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
مدخل:-
تسالي .. فول ..
و مرات كبكبيه !!
و مرات كبكبيه !!
النص:-
وكُنْتُ كما كانَ سيُد التَّسالي
يتُفُّ بزاغاً على كلِّ كيس ..
ويَفْتَحُ في ليله للصباحِ
حوالي قُرَابَةَ (متِّين) كيس ..
فيفرغُ من جوفها الإلتصاق..
ويمسح جُدْرَانها بالبُصَاق ..
ويرسلها بعد ليِّ العِنَاق ..
الى قدحٍ لا يملُّ السُخُونَه ..
و يأتي من الأفُقِ طفلٌ تعيس .. يريد التسالي ..
ولا ينسى ان يَلْعَقَ الكبكبيه ..
بطعم اللعاب...
يتُفُّ بزاغاً على كلِّ كيس ..
ويَفْتَحُ في ليله للصباحِ
حوالي قُرَابَةَ (متِّين) كيس ..
فيفرغُ من جوفها الإلتصاق..
ويمسح جُدْرَانها بالبُصَاق ..
ويرسلها بعد ليِّ العِنَاق ..
الى قدحٍ لا يملُّ السُخُونَه ..
و يأتي من الأفُقِ طفلٌ تعيس .. يريد التسالي ..
ولا ينسى ان يَلْعَقَ الكبكبيه ..
بطعم اللعاب...
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
انا كان غلطان ..
انشا الله الخرطوم يقوم فيها تفاح!!!
عشوشه ليه بنمرق..
من الصباح زعاله؟؟
وشينا من قفانا..
ما بتفرز..الا من الرياله!!
انحنا لو ضحكنا..
من الصباح بقولو..
الشعب دي جنَّ..
اريتو لو بقولو..
الشعب كلو حنَّ..
لي يوم سعيد و رايق..
عشوشه انتي اصلك..
ما بتعرفي المعايش..
عشوشه نحن شعباً..
داير يعيش وعايش..
كيفن تقولي لينا..
يا اخوانا ديَّ عيشه؟؟
عشوشه انتي اظنك!!
مهروشه من كديسه..
شوال زرِّيعه راقد..
وانتي فوقو طايره..
منتظره سيدو يغفل..
عشان تجيهو غايره!!
لكن الحامي الله..
والرازق برضو الله..
انحنا يا عشوشه..
ما همنا الزريعه..
انحن شعب اصلي..
طبقنا للشريعه..
شريعه الا والله..
زي فاصلا مداري..
كل ما تفوت شمالا..
تلقاهو لسه جاري!!
ناس حلفا بس اظنو..
الببقو مسلمين..
عشوشه انتي اظنك..
حتغتسي حجرنا!!!
انا قصدي انو نحن..
والله ماااااااا اظنو..
بس الا اقولك حاجه..
انحنا شعب واعي..
عارفين انو البيضحك..
بيسببو يبقى واعي..
عشوشه كيف بنضحك..
و السبب المجاري؟؟
خليك في شديرتك..
وخلينا للمعايش..
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
بحرد ليك الضحكه النابعه ..
من ضل نبتة عش الريد الطاوي مجادفو..
ومارق.. يطلع بره الحوش الفيهو الزير نقّع في الواطه..
بحرد ليك اقلامي و كتبي..
حتى الجيب الفوق الفيهو القلم الجاف طارش و وسخني..
بحردو ليكي..
بحرد ليكي عشان ارضيكْ و تتمددي في نفس الساحات
الكانت شايله غمام ريدتنا و امرق اسيبا..
بحرد ليك اللقمه عشان جواها الجبنه..
وعيشتي ملانا بسيبا و اقوم...
بحرد ليك...
بحرد لي...
بحرد ل...
بحرد...
بح...
ب...
...
..
.
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
امي الحساده الليك شنو
امي الولاد حايمين ملوط
وانا فوطتي ما بتمرق ابد
امي العيال الفي البلد
يوم يرضعو ويوم يلعبو
وانا للرضاعه بس اتولد
امي البيبكي من الجهال
بيهمشو و يسيبو يبكي علي مزاجو و ينهرو
وانا بالحناس اسكت مع اول دموع
امي الضلام كان شكلو كيف
كان انتي ماسكالي الشموع
امي الشبع عزبني تب
يا يمه داير يوم اجوع
يا يمه ما تسيبي الحنان
ونهزريني و زرزريني و اجلديني
الشفع يبكو من الصباح
وانا من اقوم
بوس في الخدود
امي الولاد حايمين ملوط
وانا فوطتي ما بتمرق ابد
امي العيال الفي البلد
يوم يرضعو ويوم يلعبو
وانا للرضاعه بس اتولد
امي البيبكي من الجهال
بيهمشو و يسيبو يبكي علي مزاجو و ينهرو
وانا بالحناس اسكت مع اول دموع
امي الضلام كان شكلو كيف
كان انتي ماسكالي الشموع
امي الشبع عزبني تب
يا يمه داير يوم اجوع
يا يمه ما تسيبي الحنان
ونهزريني و زرزريني و اجلديني
الشفع يبكو من الصباح
وانا من اقوم
بوس في الخدود
كبلو- مراقب عام
- الدفعة : العاشرة
عدد المشاركات : 880
تاريخ التسجيل : 18/07/2008
نقاط التمييز : 6113
التقييم : 8
والله وهج القرمبع حهرنا شديد
عندي ليك اقتراح
رأيك شنو نجيب محمود ومعاهو عودو
ونقعد نلحن الديوان ده؟
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
ما عندي مانع يا كبلو !
اصبر بس , لسه الديوان ما خلص !
اصبر بس , لسه الديوان ما خلص !
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
كنت ماش في دريب الامل،،،
الجزمه الله يكرمكم اتشرطت!
دا كلو من الصينين...
الواحد يبقى مفلس يفتح مصنع,,
ونحن نجيب منو الكميه,,
ونبقى نبيع الكوم بي ميه,,
وانا المسكين اشتري,,
واجي ماشي في درب الغرام..
نص هيمان,,,
و نص حفيان!!!
الجزمه الله يكرمكم اتشرطت!
دا كلو من الصينين...
الواحد يبقى مفلس يفتح مصنع,,
ونحن نجيب منو الكميه,,
ونبقى نبيع الكوم بي ميه,,
وانا المسكين اشتري,,
واجي ماشي في درب الغرام..
نص هيمان,,,
و نص حفيان!!!
Abeer B. Al-imam- مشرف سابق
- الدفعة : الثالثة عشر
عدد المشاركات : 344
تاريخ التسجيل : 20/07/2008
نقاط التمييز : 5759
التقييم : 0
محمد علي!!!! ده شنو؟!! كدي انتظرني حبة
ديوانك ده داير ليهو قعدة بي مزااااااج
راجعة ليك
ديوانك ده داير ليهو قعدة بي مزااااااج
راجعة ليك
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
Abeer B. Al-imam كتب:محمد علي!!!! ده شنو؟!! كدي انتظرني حبة
ديوانك ده داير ليهو قعدة بي مزااااااج
راجعة ليك
راجيك ( راجيك غاندي ؟) ..
لسه الديوان ما اكتمل و ترقبوا الباقي ...
Abeer B. Al-imam- مشرف سابق
- الدفعة : الثالثة عشر
عدد المشاركات : 344
تاريخ التسجيل : 20/07/2008
نقاط التمييز : 5759
التقييم : 0
والله حيرتني زاتو ما عرفت اعلق على شنو و أخلي شنو
بصراحة أبدعت عديل والله
منتظرة باقي الديوان بفــــــــارغ الصبر
"وهج القرمبع" !!! بس نفسي أفهم سبب الاسم وجاك من وين زاتو؟!!
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
سبب الاسم في الاصل هو مقطع بيت شعر من الدكتور الرقم مدثر حشمت اخصائي الباطنيه و خريج الاسلامية الدفعة 3 ( ولا 2 ما عارف) ..
قال :
وهج القرمبع في الشمس زغلل عيون ترتار قديم
سحليه تقطع في اللحم
و الضب يمعِّط في الشعر ..
فكان الرد عليه بقصيدة مطلعها :
وهج القرمبع في الشمس فجفج قعونجات الزمان و رقد انجخس ..
و منها انطلقت الاشعار القرمبعيه و ها انا احاول ان اجمها لكم هنا , و الله ولي التوفيق !
قال :
وهج القرمبع في الشمس زغلل عيون ترتار قديم
سحليه تقطع في اللحم
و الضب يمعِّط في الشعر ..
فكان الرد عليه بقصيدة مطلعها :
وهج القرمبع في الشمس فجفج قعونجات الزمان و رقد انجخس ..
و منها انطلقت الاشعار القرمبعيه و ها انا احاول ان اجمها لكم هنا , و الله ولي التوفيق !
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
الهلال
مدخل:-
فوق ... فوق ... هلالنا فوق ...
النص:-
انتي يا الكرعيك شمال,,,
شن بتعرفي للدلال؟
اسه كان فيك فايده ساكت,,,
كنتي تشتمي للهلال؟
الهلال الفوق سماهو,,,
زاهي يا قرنتيه انتي!
والهلال ياكي بتعرفي,,,
كل شين في الدنيا شلتي!
لو دقستي نقول بليده,,,
الا بي كُرْهِك قصدتي...
الهلال ما بيرجى نوعك,,,
شان تجي و في يوم تَحِتِّي!
حتِّي ,,, وحِتِّي الشرا!!
اسه دا كلام ليك تقولي؟
يا مبشتنه,,,
يا معشكبه,,,
يا المقَبِّله لي ورا !!!
مدخل:-
فوق ... فوق ... هلالنا فوق ...
النص:-
انتي يا الكرعيك شمال,,,
شن بتعرفي للدلال؟
اسه كان فيك فايده ساكت,,,
كنتي تشتمي للهلال؟
الهلال الفوق سماهو,,,
زاهي يا قرنتيه انتي!
والهلال ياكي بتعرفي,,,
كل شين في الدنيا شلتي!
لو دقستي نقول بليده,,,
الا بي كُرْهِك قصدتي...
الهلال ما بيرجى نوعك,,,
شان تجي و في يوم تَحِتِّي!
حتِّي ,,, وحِتِّي الشرا!!
اسه دا كلام ليك تقولي؟
يا مبشتنه,,,
يا معشكبه,,,
يا المقَبِّله لي ورا !!!
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
لقيتك واقفه
لقيتك واقفه ,,,
قلت ليك :- ممكن احبك ؟ ولا أمشي؟
قلتي لي :- أمشي .
و مشيت!
*************
ولقيتك قاعده ,,,
قلت ليك :- خليني اقعد , او احبك!
قلتي لي :- أمشي.
و مشيت!
****************
لقيتك ماشه ,,,
قلت ليك :- أمشي و أحبك!
أبيتي تردي علي ,,,
مشيت!
****************
لقيتك وصلتي.
قلت ليك :- انا أمشي احسن.
ناديتي لي عبدو أخوك!
عاينت ليهو ,,,
و عاين لي ,,,
و اتلمى حولي الضبان!
دنقرت,,,
و صنقعت,,,
قلت ليك : دا مش بيت ناس الصادق؟؟؟
عبدو قال لي : ياخي ادخل!!
قلت ليهو : بمشي .
و مشيت!
لقيتك واقفه ,,,
قلت ليك :- ممكن احبك ؟ ولا أمشي؟
قلتي لي :- أمشي .
و مشيت!
*************
ولقيتك قاعده ,,,
قلت ليك :- خليني اقعد , او احبك!
قلتي لي :- أمشي.
و مشيت!
****************
لقيتك ماشه ,,,
قلت ليك :- أمشي و أحبك!
أبيتي تردي علي ,,,
مشيت!
****************
لقيتك وصلتي.
قلت ليك :- انا أمشي احسن.
ناديتي لي عبدو أخوك!
عاينت ليهو ,,,
و عاين لي ,,,
و اتلمى حولي الضبان!
دنقرت,,,
و صنقعت,,,
قلت ليك : دا مش بيت ناس الصادق؟؟؟
عبدو قال لي : ياخي ادخل!!
قلت ليهو : بمشي .
و مشيت!
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
قصيده بدون عنوان
دردقيني ,,,
انا اصلي جيتك مدردق !!!
و بشتنيني ,,,
ما ح تزيدي البشتنه العلي ,,,
عمر قال عندو كم C.D
قلت بشيل منو واحد احضرو
اسه عمر دا الجاب سيرتو منو ؟
انا ذنبي ايه !
لو عندي رجفه من الحنان
و قلبي كيفن اصبِّرو؟
ورق الشجر ,,
اخدر ,,
بيقع يبقى اصفر!!!
وانا حالتي يا ها ذااااااااتا!
لو راقد علي حيلي ,,
او واقف نايم في السرير.
الدنيا لسع ,,
فيها خير!!
انسيني مره
لأنك اصلن ما متذكراني
لو نسيتيني مره ,,
معناها اتذكرتيني حتى ولو نسيتيني!
انا داير اكون ,,
او لا اكون !!
المهم انك تبقي زي ما انتي!!
دردقيني ,,,
انا اصلي جيتك مدردق !!!
و بشتنيني ,,,
ما ح تزيدي البشتنه العلي ,,,
عمر قال عندو كم C.D
قلت بشيل منو واحد احضرو
اسه عمر دا الجاب سيرتو منو ؟
انا ذنبي ايه !
لو عندي رجفه من الحنان
و قلبي كيفن اصبِّرو؟
ورق الشجر ,,
اخدر ,,
بيقع يبقى اصفر!!!
وانا حالتي يا ها ذااااااااتا!
لو راقد علي حيلي ,,
او واقف نايم في السرير.
الدنيا لسع ,,
فيها خير!!
انسيني مره
لأنك اصلن ما متذكراني
لو نسيتيني مره ,,
معناها اتذكرتيني حتى ولو نسيتيني!
انا داير اكون ,,
او لا اكون !!
المهم انك تبقي زي ما انتي!!
yaseen alameen- عضو ممــيَّز
- الدفعة : fifteen
عدد المشاركات : 318
تاريخ التسجيل : 24/07/2008
نقاط التمييز : 5902
التقييم : 0
دولة الإقامة : السوووووووودااااااااااااان
لا تعليق..انا منو عشان اعلق اصلا؟؟؟؟؟؟؟
وانا كنت فرحان قايل اني بعرف اكتب,,,
لا فض فوك يا بوس
وانا كنت فرحان قايل اني بعرف اكتب,,,
لا فض فوك يا بوس
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
yaseen alameen كتب:لا تعليق..انا منو عشان اعلق اصلا؟؟؟؟؟؟؟
وانا كنت فرحان قايل اني بعرف اكتب,,,
لا فض فوك يا بوس
ياسينو يا ياسين ...
دي خرمجه ساي يا حبيبنا !
اي زول لو خت الرحمن في قلبو بيكتب ليو بِرِش من النوع دا !
ابقى قريب و ورينا ابداعاتك ..
نصر الدين الزبير- مراقب عام
- الدفعة : العاشرة
عدد المشاركات : 1450
تاريخ التسجيل : 04/09/2008
نقاط التمييز : 6522
التقييم : 5
دولة الإقامة : السودان
ماااااااااخرمجة ولا حاجة
دا ابدااااااااع عدييييييييل
على فكرة دا نمط جديد من الابداع والابداع انك ترسم لنفسك خرطة ولونية مختلفة
بالمناسبة انا كنت شاهد على عمل من اعمالك مطلعه بقول:-
(صوت الفرامل الفى الظلط هيج على جعران قديم......الخ)
وينه ما شايفه.
دا ابدااااااااع عدييييييييل
على فكرة دا نمط جديد من الابداع والابداع انك ترسم لنفسك خرطة ولونية مختلفة
بالمناسبة انا كنت شاهد على عمل من اعمالك مطلعه بقول:-
(صوت الفرامل الفى الظلط هيج على جعران قديم......الخ)
وينه ما شايفه.
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
نصر الدين يا حبيبنا ...
تصدق دي ما اتدونت ؟ و نسيتا !!!!
لكن ان شاء الله تتواصل الخرمجه , بس بعد ننتهي من الديوان دا ..
تصدق دي ما اتدونت ؟ و نسيتا !!!!
لكن ان شاء الله تتواصل الخرمجه , بس بعد ننتهي من الديوان دا ..
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
الدنيا عندها حكه في نص الضهر,,,
و الكون جرى
و الشمس تصقع في الهجير,,,
حتى الكلاب في الفسحه تمشي مدنقره!
و ام سيسي شن بتسوي عاد,,,
ما الكدسه حامياها الرقاد!!!
و الكل بنادي علي الجميع,,,
و الجكه في الحر الصقيع!!
واحد بنادي على الفجر,,,
و واحد هناك واقف يبيع!!!
و انا عندي احساس مستفز
انو الفحم
ما زي زمان
و انو الفحم وكتين يكون
اسود اكيد ما زي زمان!
حتى الورود
ما زي زمان
الدنيا
رغم الحكه
و الكاروشه في نص الضهر,,,
ما زي زمان...
و الكون جرى
و الشمس تصقع في الهجير,,,
حتى الكلاب في الفسحه تمشي مدنقره!
و ام سيسي شن بتسوي عاد,,,
ما الكدسه حامياها الرقاد!!!
و الكل بنادي علي الجميع,,,
و الجكه في الحر الصقيع!!
واحد بنادي على الفجر,,,
و واحد هناك واقف يبيع!!!
و انا عندي احساس مستفز
انو الفحم
ما زي زمان
و انو الفحم وكتين يكون
اسود اكيد ما زي زمان!
حتى الورود
ما زي زمان
الدنيا
رغم الحكه
و الكاروشه في نص الضهر,,,
ما زي زمان...
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
انا الحقار ,,,
بلملم في كريعاتي , و بقوم جاري ,,,
و انا العندي الوشي الصارِّي !
و انا المن بدري حوَّصت ,,
قبل (حَوُّوصي) يلدو كمان ,,
سعاد جارتي الابت تديني بتها يوم ,,
بقت تسكت تعاين لي!!
اريت لو عرست ليك بتي.
كلامك اسه ما بينفع!
بعد ما يعجبك حوصي؟
ابد و الله ما بركع
وما برجع
لأنو وراي في قوز رمله,,
و بوحل لو رجعت عديل.
سلام للناس جميع مرحب
بغالب دمعي بي عطسه ,,
و اسوي كلامي قول و مزاح ,,
و انا الضهب الكتلني زمان ,,
بقيت ماشيبو شايلو سلاح ,,
بعد ما البس الجزمه ,, و اقوم مارق,,
تجيني العبره و الخنقه !
و اسوي بكا ,,
و اموت لو قندران ماشي , و ضرب بوري !
بكتح وشي بالرمله ,,
و اجيك سابح مع التيار!
بلملم في كريعاتي , و بقوم جاري ,,,
و انا العندي الوشي الصارِّي !
و انا المن بدري حوَّصت ,,
قبل (حَوُّوصي) يلدو كمان ,,
سعاد جارتي الابت تديني بتها يوم ,,
بقت تسكت تعاين لي!!
اريت لو عرست ليك بتي.
كلامك اسه ما بينفع!
بعد ما يعجبك حوصي؟
ابد و الله ما بركع
وما برجع
لأنو وراي في قوز رمله,,
و بوحل لو رجعت عديل.
سلام للناس جميع مرحب
بغالب دمعي بي عطسه ,,
و اسوي كلامي قول و مزاح ,,
و انا الضهب الكتلني زمان ,,
بقيت ماشيبو شايلو سلاح ,,
بعد ما البس الجزمه ,, و اقوم مارق,,
تجيني العبره و الخنقه !
و اسوي بكا ,,
و اموت لو قندران ماشي , و ضرب بوري !
بكتح وشي بالرمله ,,
و اجيك سابح مع التيار!
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
مدخل :-
فشفاش حبي ليك
بالريد اتنفخ و قرب يطق
النص :-
وهَج القُرُمبُع في الشمس
فَجفَج قعونجات الزمان
و رقد انجَخَس
هبهب نسيمات الملاح
قال يا صلاح
اتفش من ورم الزمن
و قَصقِص دروب غنم الفريق
قبل النفس يصبح غريق
و اه يا كلاب الحله لمن جا السعر
عز الضهر
كلبة نفيسه الما شقت
كانت تنوم نومة الضهر
ما يجيها حد
الا الكدايس الخاينه في ظلم الليالي الملهمه
كانت بتنسج في خطط
نفس القطط
كانت بتلعب بالصباح
وسط الجريوات الحنينه
و اه يا مدينه
الكل بنادي الكل و بينا
و بتكمل القصه الحزينه
و نلملم الاهات قزاز ميرندا فاضي
و نكسرو
فشفاش حبي ليك
بالريد اتنفخ و قرب يطق
النص :-
وهَج القُرُمبُع في الشمس
فَجفَج قعونجات الزمان
و رقد انجَخَس
هبهب نسيمات الملاح
قال يا صلاح
اتفش من ورم الزمن
و قَصقِص دروب غنم الفريق
قبل النفس يصبح غريق
و اه يا كلاب الحله لمن جا السعر
عز الضهر
كلبة نفيسه الما شقت
كانت تنوم نومة الضهر
ما يجيها حد
الا الكدايس الخاينه في ظلم الليالي الملهمه
كانت بتنسج في خطط
نفس القطط
كانت بتلعب بالصباح
وسط الجريوات الحنينه
و اه يا مدينه
الكل بنادي الكل و بينا
و بتكمل القصه الحزينه
و نلملم الاهات قزاز ميرندا فاضي
و نكسرو
Abeer B. Al-imam- مشرف سابق
- الدفعة : الثالثة عشر
عدد المشاركات : 344
تاريخ التسجيل : 20/07/2008
نقاط التمييز : 5759
التقييم : 0
"أنا الحقار دي متأكدة مرت علي قبل كده..."
يا بوس والله مافي كلام يتقال ..
تجربة متفردة بحق
شكرا جزيلا
يا بوس والله مافي كلام يتقال ..
تجربة متفردة بحق
شكرا جزيلا
محمد علي أحمد- المشرف العام
- الدفعة : العاشرة
عدد المشاركات : 1299
تاريخ التسجيل : 18/07/2008
نقاط التمييز : 5986
التقييم : 3
دولة الإقامة : السودان
Abeer B. Al-imam كتب:"أنا الحقار دي متأكدة مرت علي قبل كده..."
يا بوس والله مافي كلام يتقال ..
تجربة متفردة بحق
شكرا جزيلا
يديك العافيه يا عبير , و اطلقى لكدايس الشعر العنان ....
amr mo7amd $kak- مشرف
- الدفعة : السابعة عشر
عدد المشاركات : 517
تاريخ التسجيل : 04/09/2008
نقاط التمييز : 5900
التقييم : 3
يا مدير ابقى انا الحقار لو فكرت اعلق و ع قول ياسين لا فض فوك
مواضيع مماثلة
