النجاح وتطوير الذات بالمنظور الإسلامي

برقو كتب:
انا بتكلم عن المتدسين ورا الدقون والجلاليب القصيرة.. ويتكلمو في كل حاجة على اساس انهم صمام امان الدين والمسئولين عنو
الدين واضح بس بيلخبطوه المتدينين الشغالين بي فهمهم
أولا يا محمد الواحد لما يكون فكرة سيئة عن واحد تانى لو قال شنو وشنو جميل ما بتتشاف منه كأنها حاجة جميلة
واذا مقتنع بي واحد لو انت عارف انو أخطأ بتفتش ليه المسوغات
الفتوى مفروض تتاخد من العلماء الراسخين فى العلم
الدين دا بحر
الطب العظمته دا ما بيجى بى جنبه
أى فرع منه قيامة زى ما عارف
أما الداعية بنصح وببلغ الفتاوى
ما فى عالم _عالم يعنى_بقول البيمليه عليه هواه
كلهم اساسهم كتاب وسنة
اذا اخطأ وبيحصل له أجر الاجتهاد زى ما معروف
ما اسمها لخبطة
وما بشتغلو بى فهمهم الخاص
اذا انت بقيت عالم فى الدين ومتبع انا حأسمع كلامك
انت البتبين الدين ما بتعقده
ايوا ليك حق تتكلم فى كل المسائل لانك مسئول عن كدا
الدين واضح وبين وما معقد لكن محتاجين للعلماء
لو شوية كده ختيتو بالكم معاي حتشوفو انو طارق السويدان وعمرو خالد وابوحمزة وكتير من العندهم طريقتهم بيتحاربو
يا محمدبرقو الدعاة كلهم أخوان وأذا أخطأ واحد بيوجهوه بكل أدب
وبراهم بي جنبة
وإذا فى حاجة كبيرة منهم ما بتستحمل بحذرو الناس
ما شفت بن باز رحمه الله بي سبب أسلوبه المؤدب مع المخالفين كم من الناس إتراجعو عن بدعهم
كان بستقبلهم فى بيته وبيرحب بيهم وما بعرض الفكرة طوالى وحبة حبة
مرات المخالف يرضخ من غير ما يبدأ معاه النقاش
ففى ناس عايزين كدا
وفي ناس ما عايزين رأفة فى الدين زى ما النبى صلى الله عليه وسلم كثيرا ما تمعر وجهه وواجه الحق بكل قوة
لازم نجمع ما بين يسرو ولا تنفرو وما بين خذ الكتاب بقوة
وما بين الدين يسر وما بين (واستمسك بالذي أوحي إليك)
من المتخيلين نفسهم حراس الدين
اذا كانو من أهل العلم فهم المسئولون ..نعم هم كلفو بالحراسة
أكرر إذا كانو أهل العلم
هم الذين يضيئون لنا الطريق ويبصروننا بالحلال من الحرام
وبعدين من أعظم الكبائر التكلم فى دين الله من غير علم
دا إثمه كبير لأننا كدا حنكون كذبنا على الله
فالحكم الخاطئ على واحد بأنه كذا كذا يدخل فى التكلم على الله من غير علم

كان ممكن اكون مبسوط جدا لو ما ختيت تبعة الكلام (من منظور اسلامي) كده زعلتني
مشكلتي معاك في تركيبات بتخلي الناس تتعقد
طيب الزول ال(عندو) المنظور الاسلامي دا مش زول زينا

كدا انت تكون تحت رحمتو
لو في مرة واحدة الشيطان وز ليهو في راسو واشتراه وبقى يفتي على كيفو وكأن الاسلام حقو خلاص يكون حقنا راح
ومانقدر نعترض على حجة الله العالم الزاهد العارف بالله...ودا حال الاغلب اليومين ديل
اها يالمتعلمين العارفين تقعدو تشجعو الهراء دا

طيب الزول ال(عندو) المنظور الاسلامي دا مش زول زينا
مامعصوم لأن المعصوم عندنا في الاسلام واحد بس وهو محمد صلى الله عليه وسلم.. وبوفاته مافي بني ادم معصوم تاني

واي مسلم يقرا المصحف ويقرا الاحاديث ممكن يميز بين الحق والباطل

طبعا يشبكوك انو ما انت اللي ممكن تتكلم في الحديث والقران والتفسير لأنو بيحتاج علوم كثيرة عشان تفسرو
وكأن الاسلام مكتوب بي لغة هيروغليفية وطلاسم دايرة متخصصين في فك الخط
وكأنك ماممكن تفهم القران والسنة بعقلك ومحتاج واحد يفهم ليك

طبعا يشبكوك انو ما انت اللي ممكن تتكلم في الحديث والقران والتفسير لأنو بيحتاج علوم كثيرة عشان تفسرو
وكأن الاسلام مكتوب بي لغة هيروغليفية وطلاسم دايرة متخصصين في فك الخط
وكأنك ماممكن تفهم القران والسنة بعقلك ومحتاج واحد يفهم ليك

ولا دايرة ليها صلعة.. قصدي دقن وجلابية قصيرة وسبحة وتويوتا برادو وشوية مريدين (دا بينطبق على انصار السنة والصوفية مع اختلاف المسميات) غايتو اتلومت معاي يا ابراهيم

لو شوية كده ختيتو بالكم معاي حتشوفو انو طارق السويدان وعمرو خالد وابوحمزة وكتير من العندهم طريقتهم بيتحاربو من المتخيلين نفسهم حراس الدين
عمرو خالد ما قالو عليه كلام فاضي؟
وطارق السويدان ما اساؤو ليه؟
ويوسف القرضاوي زاتو ما قالو عليه الاعاجيب؟
عصام البشير مش قالو عليه مثقف ما شيخ.. وداعية لا يؤخذ منه الافتاء؟

الدين واضح بس بيلخبطوه المتدينين الشغالين بي فهمهم

برقو كتب:محمد علي

انا مشكلتي مع الطرفين
ديل متلاعبين وديل بيستغلو تلاعب ديل
نعمل شنو؟؟
نقطعو معاهم كلهم