الرئيسية
أحدث الصور
التسجيل
هسه بعد ده اكتب بمزاااااااااااااااج ... ما خلاص الموضوع الالف وكتبتو ...دي تعليقات ساخره على السريع مني.. ما قصدي منها حاجه بس عشان تكون الموضوع الالف وواحد... فالعفو والعافيه يا جماعه
وقف اكثر من الف ثنائي صيني لساعات للحصول على تراخيص للزواج من مكاتب التسجيل وذلك لعقد قرانهم في 8/8/2008 الماضي وهو تاريخ افتتاح دورة الالعاب الاولمبيه التي تستضيفها بكين ... ويعد الرقم 8 من ارقام الحظ في الصين .. حيث يلفظ""" فا """" وهو جزء من تعبير يعني " ان تصبح ثريا
"
شوفو الصينيين ديل كيف بقدرو الارقام والزمن... خمس سكان العالم وبعد ده بعرسو ..هم ناقصين... اما نحن السودانيين لا بهمنا زمن ولا حاجه .. مش لو كان 8/8 ... لو كان التاريخ يوم 8888 من شهر 8888 من العام 8888 ما بتفرق معانا شديد... لو الزول القاعد جنبك في المواصلات ولابس ساعه قدر الضربه وفي يدو اليمين "نظام شوفوني لمن يسلم عليك"تسالو من الساعه كم
؟ يقوليك والله عطلانه ما شغاله...طيب لابسها ليه؟؟؟؟؟؟؟
؟ يقوليك والله عطلانه ما شغاله...طيب لابسها ليه؟؟؟؟؟؟؟
قام رجال الشرطه في مدينة مينابوليس الامريكيه باقتحام منزل رجل الساعه الثالثه فجرا والصعود الى غرفة نومه وايقاظه من النوم,, فقط,,, ليقولو له انه نسي باب الكراج وباب البيت مفتوحين.. وعلى الرغم من انزعاج الرجل من الامر,, الا ان الشرطه برروا فعلتهم بانهم يسعون الى مصلحة المواطن..
"""" امن عجيب والله... ذوق ما ليهو مثيل...لو كان الزول ده سوداني وجو الناس ديل ناطين عليهو وخلعو صاحبنا ده ... حاترك ليكم مساحه كبيره لكي تتخيلو فيها وفق ما تشاؤوون ردة فعلو ... اظنكم عارفين نحن لمن نتخلع ..نعجب مش كده..؟
انجبت امريكيه تبلغ من العمر 52 سنه..حفيدين توامين لها.. حملت بهما كام بديله وذلك بالنيابه عن ابنتها وزوج ابنتها...واكدت الحبوبه "قصدي الام" انها عاشت افضل تجربة في حياتها وانها ليست نادمه على مساعدة ابنتها التي خضعت للتلقيح الصناعي مرات عده لكن لم يكتب لها النجاح...
كرم شديد والله...اظن ناسنا المتزوجين وحمواتهم المطلعين زيتهم ومكرهنهم حياتهم ومورنهم النجوم في عز الضهر ... عندهم الف طريقه تخليهم يزوغو منهم ... لكن طريقه زي دي تريحهم كم شهر كده من نقتهم ما مرت عليهم...
ودمتــــــــــــــــــــــــم
عدل سابقا من قبل الريح احمد ابراهيم في الأربعاء 20 أغسطس 2008, 21:58 عدل 1 مرات
