الرئيسية
أحدث الصور
التسجيل
نبدا تاني
اولا
تحياتي وسلامي ومرحب بيكي تاني يا عبير والواطة من غيرك سلطة من غير ملح وليمون
تانيا
انتي دايرة تستفزي ناس المنتدى ديل؟ محمد علي بالتحانيس جريناه من شكلة في الفيس بوك وجا هنا دايرة تفتحيه علينا تاني؟
طيب حصل حضرتي لي شكلة؟ دانا صعب جدا وباكل الحديد وبولع نار.. اوعة مني
تالتا
كلامك جميل وبالجد عندك جمل بتخش لغاليغ النفس طوالي وبتريح البقراها (لاحظي لغاليغ دي مريحة كيف) وبالجد بتخلي البيرد عليكي يختار كويس كلامو.. لو ماعندو يقرا ويسكت
رابعا
بالنسبة لبعض تعابير الشمس نزار والتي تخدش بعضا من الحياء وفيها تحرر... وقعتي لي في جرح
احنا علمونا (اهلنا والمجتمع) حاجات نوطي روسنا ونقفل اضنينا ونعمل ما بنعرف ونخرس خالص لما نسمعها... ولو عايزين نتعلمها بنكون قليلين ادب.. وممكن نلقاها في الشارع (اكيد مش ممكن) ونسمع بيها من ناس بيكونو طبقة بيئة وواطية لكن ممكن نسمع منهم...بينما الحاجات البتعمل حياء واللي كسرها وعفصها نزار بين حروفو وهراها هري.. هي حاجة ربنا خلقنا بيها... زيها زي الاكل والشراب.. بنحتاجها عشان نعيش.. ولاجل ثقافة خاطئة... بقت المواضيع دي في بند الحياء والعفة والمابعرفو شنو داك
هل ممكن تتخيلي نفسك تتعلمي مسكة الشوكة او طريقة شفط مكرونة الاندومي من العيال الفي الشارع بتاعين السلسيون؟؟(ديل المساكين الشحادين قدام السينما والبينومو في الخور لو الوصف ما كان قريب) هل ممكن؟
طيب ليه نسمح بي الاكل نتعلمو من الاهل بينما الحاجات التانية البتخدش شنو داك وشنو داك نتعلمها من الشارع؟(ما عارف لو في زول بيغالط بيقول اتعلم الحاجات دي في كلية الطب؟!!.. والبيغالط بقول ليه الكلام دا بتقراه بينك وبين نفسك.. احنا ما عارفين انت الي بتعرف) بالنسبة لي اتعلم الكلام دا من نزار الشمس زي ما اتعلم مسكة الشوكة في تي في 5 برنامج الاتكيت البيجي 8 مساء السبت والعايز يعرف بالعلن بكل ادب بوريه.. الحياه والاكل والشرب والعلاقات وفطرة ربنا ما قلة ادب ولا خدش للحياء ولافيها دنائة.. بالعكس فيها كسر للعقد واطلاق للعقل المقيد عندنا وفيها راحة نفسية... حياة من غير عقد
رابعا
بريتكم
خامسا
عبير ربنا يديكي قدر نيتك ويخليكي وكل شباب وصبايا المنتدى
خلاص كفاية كده
اولا
تحياتي وسلامي ومرحب بيكي تاني يا عبير والواطة من غيرك سلطة من غير ملح وليمون
تانيا
انتي دايرة تستفزي ناس المنتدى ديل؟ محمد علي بالتحانيس جريناه من شكلة في الفيس بوك وجا هنا دايرة تفتحيه علينا تاني؟
طيب حصل حضرتي لي شكلة؟ دانا صعب جدا وباكل الحديد وبولع نار.. اوعة مني
تالتا
كلامك جميل وبالجد عندك جمل بتخش لغاليغ النفس طوالي وبتريح البقراها (لاحظي لغاليغ دي مريحة كيف) وبالجد بتخلي البيرد عليكي يختار كويس كلامو.. لو ماعندو يقرا ويسكت
رابعا
بالنسبة لبعض تعابير الشمس نزار والتي تخدش بعضا من الحياء وفيها تحرر... وقعتي لي في جرح
احنا علمونا (اهلنا والمجتمع) حاجات نوطي روسنا ونقفل اضنينا ونعمل ما بنعرف ونخرس خالص لما نسمعها... ولو عايزين نتعلمها بنكون قليلين ادب.. وممكن نلقاها في الشارع (اكيد مش ممكن) ونسمع بيها من ناس بيكونو طبقة بيئة وواطية لكن ممكن نسمع منهم...بينما الحاجات البتعمل حياء واللي كسرها وعفصها نزار بين حروفو وهراها هري.. هي حاجة ربنا خلقنا بيها... زيها زي الاكل والشراب.. بنحتاجها عشان نعيش.. ولاجل ثقافة خاطئة... بقت المواضيع دي في بند الحياء والعفة والمابعرفو شنو داك
هل ممكن تتخيلي نفسك تتعلمي مسكة الشوكة او طريقة شفط مكرونة الاندومي من العيال الفي الشارع بتاعين السلسيون؟؟(ديل المساكين الشحادين قدام السينما والبينومو في الخور لو الوصف ما كان قريب) هل ممكن؟
طيب ليه نسمح بي الاكل نتعلمو من الاهل بينما الحاجات التانية البتخدش شنو داك وشنو داك نتعلمها من الشارع؟(ما عارف لو في زول بيغالط بيقول اتعلم الحاجات دي في كلية الطب؟!!.. والبيغالط بقول ليه الكلام دا بتقراه بينك وبين نفسك.. احنا ما عارفين انت الي بتعرف) بالنسبة لي اتعلم الكلام دا من نزار الشمس زي ما اتعلم مسكة الشوكة في تي في 5 برنامج الاتكيت البيجي 8 مساء السبت والعايز يعرف بالعلن بكل ادب بوريه.. الحياه والاكل والشرب والعلاقات وفطرة ربنا ما قلة ادب ولا خدش للحياء ولافيها دنائة.. بالعكس فيها كسر للعقد واطلاق للعقل المقيد عندنا وفيها راحة نفسية... حياة من غير عقد
رابعا
بريتكم
خامسا
عبير ربنا يديكي قدر نيتك ويخليكي وكل شباب وصبايا المنتدى
خلاص كفاية كده
