الرئيسية
أحدث الصور
التسجيل
رايكم شنو يا جماعه نحدد موضوع يكون موضوع الاسبوع ونتناقش فيهو كلنا الاعضاء خلال اسبوع ويتغير اسبوعيا لموضوع اخر ... ممكن يكون الموضوع اجتماعي او ديني او سياسي الخ...وممكن يتحدد عن طريق الرئيس او من خلا ل عمل تصويت في المنتدى بعد اعطاء عدة خيارات ...الفكره بس تبادل افكار اكثر وعمليه تنشيط وتجديد للمنتدى..وكده الواحد بقدر ياخد معلومات من الاخرين ويوسع مداركه ... طبعا باقي الاقسام حتواصل عادي ومكان النقاش ممكن يكون في العام...هسه حتقولو ليه اسبوعيا ما كتيره؟؟.. زي ما عارفين فينا الشغالين والعندو ظروف,, فانا شايف انو اسبوع كافي للجميع عشان يلحق بالباقين في النقاش لو ما بدا معاهم..وحاجه تانيه معليش... بما انو نحن جاريين ورا مشاغل الدنيا ومرات الواحد بضيع حسنات ممكن تكون قريبه منو,, فبقترح برضو نعمل عمليه تذكير بس واحياء الجانب الديني والروحي فينا من خلال عمل حسنه او عمل خير نتفق نعملو كلنا مع بعض يكون اسبوعيا ونكسب منو اجر ... مثلا الاسبوع ده اسبوع اعطاء صدقة لمسكين .. والبعدو التبسم في وجه اخيك ... قراءة القران ... صلاة الفجر حاضرا وفي جماعه.. مصالحة شخص خاصمته وهكذا ...ممكن واحد فينا يتكلم عن العمل الخير ده في القسم الاسلامي كتعريف بفضله ... طبعا اي واحد ونفسه يعني ما حيوري الناس اني عملت كده وكده .. حاجه اخيره...ممكن فينا البعمل الحاجات دي وربنا بجازيه على عملو.. بس مش حيحس بالسعاده اكتر لمن القى اصدقاءه او حتى اخرين مشاركنو نفس الاجر.. فالتذكير مهم وحتى يعم الاجر انشالله ... .... ما تنسو يا جماعه ورونا رايكم وده مجرد اقتراح
ودمتم
ودمتم
