شعبك ام لاعبي الكوره

هل اصبح الشعب السوداني مكتفي ذاتيا
بين يوم وليله يصبح السودان مصدجرا للسيارت
1000 سياره اكسنت جياد ل تشاد قبل محاصره القوات المعارضه التشاديه للعاصمه انجمينا
35 سياره مارسيدس او سوناتا ما مشكله

واحد في سوق امدرمان بالع ليهو قطعه سيليسيون ليسد بها جوعه
اوكامبو كان شاف ده اكان عيونو بقت زي الصحن

35 عربيه عشان قطعه بلاستيك منفوخه هوا وجارين وراها 20 زول
طيب لو كان كاس العالم كانو حيبيعونا بيوتنا عشان يجيبو للفرق التانيه طيارات هدايا

معليش ياابو حميد ماانتا في السودان كل الاشياء المامفهومة عندنا نحنا
ماهو دا السودان؟؟؟؟؟؟؟

شباب
في موضوع جميل حوالين كدا للفاتح جبرة اتمنع من النشر
نزل اول امبارح السبت
موضوع جميل حقو تقروه
www.alfatihgabra.com
كبلو
معليش ما فهمتك داير تقول شنو؟

الموضوع اسمو شعب جديد
يا محمد علي
طلع الموضوع دا بره ختو في حتة بتتشاف
الموضوع دا ما لازم يعدي سكاتي
ماتقولي كيف؟ سويتها انت قبل كده ولسه حارقاني وما قلت حاجة
احيييي منك
الحيشوفو موقع الفاتح جبرا والما بيعرفو يقرا سناريوهين جميلين جدا
الاول اسمو حسن طحنية والتاني فك التسجيلات
ما تفوتكم يا اخوانا

برقو كتب:الموضوع اسمو شعب جديد
يا محمد علي
طلع الموضوع دا بره ختو في حتة بتتشاف
الموضوع دا ما لازم يعدي سكاتي
ماتقولي كيف؟ سويتها انت قبل كده ولسه حارقاني وما قلت حاجة
احيييي منك
الحيشوفو موقع الفاتح جبرا والما بيعرفو يقرا سناريوهين جميلين جدا
الاول اسمو حسن طحنية والتاني فك التسجيلات
ما تفوتكم يا اخوانا

يا برقو ...
والله ما فهمتك داير شنو بالضبط !
لو بتتكلم عن موضوع نزار قباني فأنا لقيت الموضوع ماشي مثمر و مليان و ما صاح يندفن في منتدى الشعر , شاورت كاتبة الموضوع و انت ذاتك سألتك , و في النهايه قسمناهو و وديناهو العام ..
عموما اسه والله ما عارفك داير شنو بالضبط .

برقو
يا صديقي العزيز
الحاجات كلها وزعت بقدر مختلف على الخلق. ابتداء من الجنس والدين إلى مكان الموت والمصير النهائي - هل إلى جنة أو إلى نار
وعندنا مثال شهير في أنو الجمال مثلا قسم إلى نصفين
فأعطي نصفه لسيدنا يوسف - عليه السلام والنصف الاّخر لباقي الخلق منذ الأزل وحتى يوم الدين
فتقبل إعتذاري الشديد لأني ما حأقدر أشرح كلام واضح زي الشمس
كان بودي أساعدك على الفهم والله
عموما ممكن تعيد قراءت الموضوع مرتين ثلاثة أو أكثر
احتمال الفكرة توضح ليك

إبراهيم ياخوي بشكرك كتير على تعليقك الجميل
ودايما عودتنا من أيام الكلية على انك انسان عقلك كبير وعندك سرعة بديهة
وصراحة بتنبأ ليك بمستقبل عظيم انشاءالله

محمد علي يا مديرنا
كلامك دايما موزون
فلك التحية

في النهايه شكلو ح نعيش سااااي في البلد دي
امشو يمين نمشي اقيفو نقيف
انا اقول نلوم انفسنا على اننا اجبن مما نتكلم
شعارات زكلام فضي ولمن يجي وقت الجد اي زول يشوف الله قسم ليهو شنو وينسى الباقين زي الحاصل الايام دي اي زول بسكتوهو بمنصب وزير ونائب وهو مابعرف القلم بمسكو باليد ولا الخشم

ما دا اخر الزمن يابو حميد. السودان دا ماشي على وين ماتعرف
ما مشكلتنا في الكفاءات.. مشكلتنا في البشوف الغلط ويسكت منو.. والبيشوفو ويدافع عنو
الله يحلنا

"الشعب جعان لكن جبان" الكلام ده انا سمعتو في اخر مظاهرات حضرتها في السوق العربي تتقريبا سنة 2001.. بعدها الشعب بقى اجبن من انو يتكلم

والله يا ياسين إحتمال الشعب جبان لكن الشعب عشان يمرق ويهتف لازم يكون قدامو زول ولهسا ما جا الزول البيكون قدامو

يادكتور دا ما أي ستول دا ستول زول مسؤول!!!!!!!!!!!!!!!!!
إنت بتلعب أصلو المسؤل اللي بيمشي يفحص في جنيف مخلوق من طينة والناس من طينة تانية!!!!!!!!!!!!!!!!!!!
وأكيد إحنا فايزين مش غلبناهم بالأربعة!!!!!!!!!!! والإنتصار مابنفهمو إحنا بيفهمو براهم!!!!!!!!!!!!!!
مش قالو العلم بحر وإحنا كيزانه!!!!!
ولانسيت يامحمد سيد ياحاقد!!!!!!!!!!!!!!