منتديات طب الإسلامية

مرحبا بك في منتديات طب الإسلاميه ...

    كبلو: شمار وشمشار ورحلتهم الخورية

    كبلو
    كبلو
    مراقب عام
    مراقب عام

    الدفعة : العاشرة
    عدد المشاركات : 880
    تاريخ التسجيل : 18/07/2008
    نقاط التمييز : 4592
    التقييم : 8

    كبلو: شمار وشمشار ورحلتهم الخورية Empty كبلو: شمار وشمشار ورحلتهم الخورية

    مُساهمة من طرف كبلو في الخميس 18 سبتمبر 2008, 14:05

    شمار وشمشار مارقين ينكاشو من بيت الريح وحاثين الخطى نحو أقرب بيت يلاقيهم في الطريق

    شمار: أها بعد كده مافي زول عندو عذر عشان ما يفتح لينا .. فطور وفطرو
    شمشار: إنت يامره قايلة الناس زيك؟! ما عندهم حاجة يسوها غير النقة والأكل!
    - القاليك منو أنا نقناقة وبتاعت أكل بس؟ ما هدا مبارياك من الدغش .. والله فعلا البيباري الجداد
    = كدي خلينا من نقتك ووريني .. تفتكري البيت ده حق منو؟
    - شبه القردة والله .. عميت ولا شنو ياخوي؟ البيوت دي هسي ما كلها بتتشابه، أنا أعرفو ليك كيفن!
    = طيب خلاص ندق الباب ونشوف

    دق دق دق .. دق دق دق
    ويقوم يمرق ليك محمد علي
    " لا حول ولا قوة إلا بالله .. تاني انتو ! ياخي البلد دي نخليها ليكم؟ أنحنا نرحل ياخي؟ ما أصلو ما ممكن تبتلونا اليوم كلو .. أنا أموت يعني عشان ما أشوفكم؟ ياخي انتو ......... "
    وعمك ما كضب، اتناول عكازو وجا مارق


    شمار: وووب علي ده الجابو بيجاي شنو تاني
    شمشار: يا مره أمسكي خشمك عليك وخفي كراعك قبال ما يحصلنا يصلو علينا التراويح في أحمد شرفي
    - الحكاية جابت ليها عكاكيز .. هسي نحن سوينا ليهو شنو؟!!!
    = الظاهر بعد الفطور الناس بتشرب الشاي والقهوة .. وراساً بلا كيف أريتو بالسيف
    - طيب الله مرقنا بقت على عكاز بس وما مرق لينا بسيف
    = هو زاتو بيتو ما خليناو ورانا .. تاني الجابو قدامنا شنو
    - أنا ما قلت ليك الخور ده ما مفهوم .. هسي نلقى روحنا في بيت ناس نفيسة

    وطبعا جاريين لمن نفسهم انقطع
    شمار:هيها هيه اه ها هيه هيه .. شمشار .. هه هيه هيه ها .. خلاص الجري الكتير بيجيب السرطان
    شمشار: وأكان وقفنا بيجينا نزيف في المخ .. أصلو شكلنا توهنا في تورا بورا
    - هه هيه هيه هه .. والناس ديل لمن كان بيقرو هنا ما تاهو مالهم؟ كان عندهم بوصلة!
    = أهل الخيران أدرى بشعابها .. تلاتة سنة بيجو الخور .. تاني يتوهو ليه؟
    - هيه هه هه .. واي أنا قلبي خفّ
    = خلاص قربنا قربنا
    - واي أنا راسي لفّ
    = يامره شنو ياخي؟ ما قلنا ليك قربنا .. الله
    - واي أنا بلعت السفة بلعت السفة
    = خلاص داك بيت زول تاني .. شايفا الأنوار؟
    - بس ما يطلع لينا هو زاتو
    = لا لا ما أظن .. إنتي أقري اّية الكرسي واتحصني وما بيطلع لينا تاني
    - ماحافظا
    = اتخيل لي ده يا بيت برقو يا كبلو
    - انشاءالله بيت ودالجاك زاتو .. بس زولك ده يختانا
    = كدي اتلفتي شوفي ورانا لسه ولا فات
    - وانت مالك؟ معسّم؟
    = أنا نظري ضعيف
    - وأنا عندي عمى بالليل .. لكن الشمار كتلني .. كدي النشوفو
    = هو زاتو يشوفو في الضلمة دي كيفن؟
    - أريتو كان ساكينا الحلبي داك (قصدهم الريح) .. على الأقل كان شوفناو

    وفي اللحظة دي وصلو بيت زي باقي البيوت إلا لمبات حوشو مكسرات

    وجوة البيت قاعد ليك عمك كبلو مكوع فوق السرير وخاتي اللابتوب قدامو وبيجغم في النسكافيه
    وصوت مصطفى سيد أحمد واّمال النور يشدو: " مهما هم تأخروا فإنهم يأتون .... " " يأتون مثل المن والسلوى من السماء .. ومن دمى الأطفال من أساور النساء"
    وطبعا قاعد يردد معاهم

    .. يا سلام صوتي يهد الجبال، أكان مصطفى سمعني أكان حرد لي الأغنية
    .. أها هسي ناس المنتدى ديل يحركوهم بشنو .. والله عوجة
    صور ما خليناها، كاركاتير كملناو، نكات ما خليت لي مسطول حايم .. والله بعد ده إلا أقوم أجيب صور من نوع: إذا كان قلبك ضعيفا فلا تدخل لو سمحت
    .. لا لا .. أنا نسيت المنتدى ما كلو عزابة .. عبير وبلان بي لمن يشوفو الصور دي يقومو يخشو لينا في غيبوبة ونبقى كتالين كوتلا
    .. طيب نكتب ليهم في السياسة؟ ياخ محمد الجاك ما خلى ليهو موضوع سياسي ما كتبو
    .. معنى كده برضو الرياضة والدين إبراهيم سوا فيهم نفس الحاجة
    .. أيواااااااااااااااااا .. أرفع ليهم محاضرات دينية بأسلوب جديد وما سمعو قبل كده
    .. اتخيل لي دي برضو ما جايبة حقها لأني الأسبوع الفات ثبت محاضرة من نوع خاص في المنتدى الإسلامي لكن مافي زول هبب ليها من أصلو
    .. طيب الحل شنو الحل شنو؟؟

    طاخ طاخ طاخ طاخ طاخ .. طاخ طاخ طاخ
    .. اللهم لا إعتراض في أمرك يا ربي .. ده منو الجايي ناطي لينا بعد الفطور طوالي
    أكيد ده الحلبي ده جايب اّيسكريمو ودايرني أجرب معاو النكهة الجديدة النزلوها في رمضان
    عمل لينا لوز .. اّيسكريم بعد الفطور واّيسكريم مع السحور
    اّيسكريم بالكراميل، واّيسكريم بالشطة، واّيسكريم بالجمبري
    الزول ده ولدو في تلاجة داندورمه ولا شنو
    علي الحرام من الليلة أكان أسميهو الريح روبنز (طبعا لأنو كلو يوم بيمشي محل باسكن روبنز عشان ياكل اّيسكريم)
    وبعدين الباب ده بينهز فيهو كده مالو؟ خايف الاّيسكريم يدوب ولا شنو
    كدي النكمل النسكافيه ده سريع لأنو ظروفو كملت وأكان الريح شافو ما بيخليني إلا أسوي ليهو واحد
    " الله يسامحك يامحمد علي .. علمتنا الشاي والجبنا في الدفار"
    شلوب سسسووووب شلوب سسوب
    (طبعا ده صوت ارتشاف القهوة)
    طاخ طاخ طاخ طاخ
    دقيقة يا هوي جاييك جاييك

    وقام كبلو فتح الباب وخش ليك لفت في الطارق على أساس انو الريح
    .. ياخ الباب ده فيهو جرس، والجرس ماتخاف منو لأنو ما بيدوب الاّيسكريم .. أنا هسي الباب ......

    بسم الله الرحمن الرحيم .. معليش كنت قايلكم واحد صاحبي
    شمشار: إنت كبلو؟
    طبعا كبلو شم ليك ريحة عفنة طاقة من الجماعة ديل .. وقال أخير يزوغ
    كبلو: كبلو؟!! كبلو منو؟
    شمشار: كبلو ود العاشرة
    شمار بتهمس: والله ياهو زاااااتو
    كبلو: انتو يكون قصدكم طارق كبلو بتاع التلفزيون .. ده ما ساكن في الخور
    شمشار: لا لا .. نحن دايرين د.كبلو
    كبلو: أيوااا د.كبلو نقيب الأطباء .. هو أصلا ساكن العمارات .. ممكن تسألو منو هناك
    شمار بتهمس: والله يا شمشار ياهو زاتو .. أنا شوفتو في الصور بتاعت قروب الإسلامية في الفيسبوك

    طبعا كبلو قدر ما حاول يزوغ ما خلو ليك .. في النهاية قال مافي فايدة وأحسن ينتهي منهم سريع
    كبلو: أيواااا قصدكم د.محمد كبلو؟
    شمشار: ايو ياخي بتاع المنتدى
    كبلو: اتفضلو اتفضلو
    شمار بتهمس: ماقلت ليك يا راجل ياهو زاتو .. أنا الخلقة دي ما بغباها أصلو

    الحصل شنو مع كبلو حيحكيهو لينا الريح انشاءالله في الحلقة القادمة


    _________________
    كبلو: شمار وشمشار ورحلتهم الخورية 15781610
    محمد علي أحمد
    محمد علي أحمد
    المشرف العام
    المشرف العام

    الدفعة : العاشرة
    عدد المشاركات : 1299
    تاريخ التسجيل : 18/07/2008
    نقاط التمييز : 4465
    التقييم : 3
    دولة الإقامة : السودان

    كبلو: شمار وشمشار ورحلتهم الخورية Empty رد: كبلو: شمار وشمشار ورحلتهم الخورية

    مُساهمة من طرف محمد علي أحمد في الخميس 18 سبتمبر 2008, 15:16

    هيه هه هه .. واي أنا قلبي خفّ
    = خلاص قربنا قربنا
    - واي أنا راسي لفّ
    = يامره شنو ياخي؟ ما قلنا ليك قربنا .. الله
    - واي أنا بلعت السفة بلعت السفة

    loool

    أ
    ريتو كان ساكينا الحلبي داك (قصدهم الريح) .. على الأقل كان شوفناو

    ya3

    Suspect















































































    loool


    _________________
    كبلو: شمار وشمشار ورحلتهم الخورية 810550573
    الريح احمد ابراهيم
    الريح احمد ابراهيم
    عضو فــعَّال
    عضو فــعَّال

    الدفعة : العاشره
    عدد المشاركات : 119
    تاريخ التسجيل : 04/08/2008
    نقاط التمييز : 4223
    التقييم : 0

    كبلو: شمار وشمشار ورحلتهم الخورية Empty رد: كبلو: شمار وشمشار ورحلتهم الخورية

    مُساهمة من طرف الريح احمد ابراهيم في الخميس 18 سبتمبر 2008, 23:33

    loool loool loool loool loool loool loool loool loool loool loool loool loool loool loool loool
    والله يا كبلو ضحكتنا ....الناس ديل بالجد ما قايلهم مساخ كده...ده شنو ده... اااااااااافه بس... غايتو انا جيت ماري ساكت وضحكتني معاك... بحاول اكمل القصه ... بس لو بتقدر كملها انت لانك بديتها............... بس بتاعت نزيف مخ دي شديده
    كبلو
    كبلو
    مراقب عام
    مراقب عام

    الدفعة : العاشرة
    عدد المشاركات : 880
    تاريخ التسجيل : 18/07/2008
    نقاط التمييز : 4592
    التقييم : 8

    كبلو: شمار وشمشار ورحلتهم الخورية Empty رد: كبلو: شمار وشمشار ورحلتهم الخورية

    مُساهمة من طرف كبلو في الخميس 18 سبتمبر 2008, 23:48

    محمد علي الجماعة ديل ساكيهم مالك

    الريح، انت الجماعة ديل ما شامي ريحتهم عاملة كيف؟!!


    _________________
    كبلو: شمار وشمشار ورحلتهم الخورية 15781610
    ابراهيم فضل المرجي
    ابراهيم فضل المرجي
    مشرف سابق
    مشرف سابق

    الدفعة : العاشرة
    عدد المشاركات : 376
    تاريخ التسجيل : 20/07/2008
    نقاط التمييز : 4241
    التقييم : 0

    كبلو: شمار وشمشار ورحلتهم الخورية Empty رد: كبلو: شمار وشمشار ورحلتهم الخورية

    مُساهمة من طرف ابراهيم فضل المرجي في الأربعاء 24 سبتمبر 2008, 08:07

    Laughing Laughing Laughing Laughing
    Very Happy Very Happy
    ياجماعة بالغتو والله
    الابداع دا جبتو من وين
    والله ابراهيم ما يلحقكم
    ما تصدق يا الريح وتكبس فيني الموضوع
    محمد علي
    ما قلت ليك سمعتك ما سحة الواطة عند الناس كلها
    الله يستر تظهر ليهم تاني
    ناس اسكريم وناس نسكافيه
    Wink
    والله يا كبلو الايس كريم العزمتني ليه في المدينة لسة مطمم بطني
    مليتو لي كراميل
    وبعد دا كلو تستكتر فيني الليموزين ولا هو بكاسيكم ديك(موديل كم وتمانين ديل)وتوديني لحدي البيت كداري
    مشوار شمشار ما قطعه
    ما في داعي اكتر من كدا
    الريح
    كبلو دا مسكه طرف التوب الجاكار
    محتاج ليه شديد
    الريح احمد ابراهيم
    الريح احمد ابراهيم
    عضو فــعَّال
    عضو فــعَّال

    الدفعة : العاشره
    عدد المشاركات : 119
    تاريخ التسجيل : 04/08/2008
    نقاط التمييز : 4223
    التقييم : 0

    كبلو: شمار وشمشار ورحلتهم الخورية Empty رد: كبلو: شمار وشمشار ورحلتهم الخورية

    مُساهمة من طرف الريح احمد ابراهيم في الأربعاء 24 سبتمبر 2008, 20:42

    Laughing Laughing Laughing Laughing .... والله يا ابراهيم حلوه بتاعت توب الجاكار دي حقت كبلو... بالمناسبه لو كان جيتني كان عزمتك ايسكريم مظبوط مش زي بتاع كبلو الكلو كراميل ده lol!

      الوقت/التاريخ الآن هو الأربعاء 26 فبراير 2020, 18:33