المدير العام ضيفنا على الكرسى الساخن

amr mo7amd $kak كتب:عامل فيها متواضع

المدير يا هوا انا لو كنت محلك كان وريت الناس دي عرض

الحمد لله الما بقيت محلي !

نصر الدين الزبير دفع الله كتب:عارف يامحمد من الحاجات المابنساها بس ماعارف تكون متذكرها ولا لالما كنا فى اولى وكورس الscience تحديدا كنا قاعدين جمب بعض (يوم الاربعاء من كل اسبوع لمدة اكتر من 3 شهور مصاقرين فى مجهر واحد) بنقعد سوا وبتكون جايب معاك جريدة ولما تجى لحظة الاتيندس بتكتب اسمك وبتقف عند محمد - وبابكر دا مابتجيب سيرتو نهائى مع انه فى همس داير عن وجود ودالمدير ضمن دفعتنا وكل مااسالك بتقول لى لا دا ماانا بس الموضوع ماراكب راسى لحد نهاية الكورس ومع امتحان اللاب بتاع عمك عبدالرحيم الحلفاوى كمية من الشغالات فى اللاب سالنى منك دا ودالمدير ولا لا فتاكدت بعدها انك كنت خامينى الفترة ديك كلها.


اجيك للسؤال
- 3 شخصيات كان لها التاثير فى حياتك
- 3 وردات لمن تهديها
- شخصية العام 2008 :
السياسية
الاجتماعية
الرياضية

رامي عبداللطيف كتب:مبرو ك يا مدير ما كنت عارف انك عاقد لكن ربنا يتمم الامور على خير
س\ حاجتين فرحوك شديد شديد وما ممكن تنساهم ابدا؟
س\ حاجة واحدة زعلتك وما ممكن تنساها؟

yaseen alameen كتب: ود المدير عدييييييييييل كده

اي عديل كدا

رامي عبداللطيف كتب:ما تستغرب يا يس المدير بجيب مدير
وراثة الحكاية
وانشالله يا محمد نشوفك مدير في كل حتة تدخلها

كبلو كتب:الحمدلله الواحد قدر يحصل ليهو حاجة في المولد ده
المدير عدييييييييييييل كدهّ! والله نعمة
طبعا يا ترباتوني الجماعة كملو الأسئلة المفيدة كلها وشكلو بعد ده حنخش في الما مفيد

بسم الله
صدق يابوحميد انا اول ايام في الجامعة قايلك كوز!! وطبعا اخوك كان ملاوز من السياسة عدييييل وما بتذكر اني حضرت لي ركن نقاش في التلاتة سنين الأولى
فحجمت علاقتي معاك خلال السنة الولى لحدي ما تبين لي بما لا يدع مجالا للشك انو انت في الشرق والسياسة في الغرب

طيب أسئلة ما عندها علاقة مع بعض

اقتراحاتك لحل أزمة دارفور والمحكمة الدولية؟

لوما كنت سوداني كنت تتمنى تكون شنو؟

اول مباراة كرة قدم لعبتها في الكلية وذكرياتك عنها بالتفصيل

رامي عبداللطيف كتب:الزووول ده مالكم ساكتين عليه
ولا راشيكم ولا عشان دفعة
انتو بتعرفو عصرتو بي وين
لكن انا بسأل الليلة
س\ انا بتذكرك يوم جيت عملتو بروفة عندنا في الشقة
وكنت بتعزف كويس...اغنية لما تعزفها بتتأثر شديد لدرجة ممكن تبكي؟
س\ شنو اكتر حاجة بتكرهها في الناس وخاصة اصحابك؟

محمد علي أحمد كتب:يا اخوانا , و الله النت بتاعي قاطع , وامس و الليله دخلت من محل نت و ما ماخد راحتي على الاخر , عشان انداح ليكم ..
بكره برجع النت , و بقعد ليكم النهاريه بي مزاااااااااااج بي كباية قهوة مظبوطه اطقطق ليكم الموضوع دا ..
تحياتي و اشواقي ..

محمد عبدالجليل سعيد كتب:ود الناظر ياراجل ياجميل
والله اول حاجة ياخ انت زول مبالغة
بتعترف انو واحدة من الذين اثروا في حياتك هي زوجتك المصونة وكمان تهدينا احدي ثلاث زهرات ياخ والله حظها بيك والف الف مبروك الزواج
بعدين تعال هنا انت حركات العاشرة دي مابتخليها شنو ماتكلمونا بالعصر الحاصل دا ولا زوغة من ناس 11 لاقي لي رامي المهذب دا ومستفرد بيهو
كل الرائعين اعضاء المنتدي..........سلاما جميلا
اها ياجماعة نحصل لينا فرقة في مولد العصر دا زي ماقال الودود كبلو
ود الناظر س سؤال
ليه بتكره ناس 11
عقدة التميز ولا حاجة تانية.. ياجماعة مادايرين الاستعانة بصديق يعني ياكبلو اقيف بعيد واعمل شخيط
ياخ انت وتاج الدين كان مافضل ليكم الا تنزلوا تلعبوا مع الدفعة15 في بطولة اطفال الكنا فيها (البطل)... فشخرة وكدا ياكبلو..ههه
وتاني في قافلة الباوقة الوغد الوراكم المكان الكنتا نايم فيهو منو؟
طيب نبقي عل الجدية شوية...شئ لو رجع بك الزمن لمافعلته وشئ اخر لو رجع بك الزمن لفعلته؟
قروبك قروب10 من اجمل من فيه ومااجمل مافيه؟
ود الناظر الشاعر وماتحاول تنكر عشان الشباب الجداد ماعارفين موهبتك الشعرية_ انا كنتا بقدم المنتديات_ ماذا يفضل في قراءة الشعر؟
طبعا الكورال وطب اطفال دي موضوع جمييل ذي ماقلتا نجيهو براهو كدي لمن يجي دورو
عارف معاي عثمان مانتوف دايرو يجي يخمك بكمية مداخلات عبر اشتراكي لكن كدي خليهو لمن يصحي شكلك الا تزوق..

رامي عبداللطيف كتب:يا مدير انا اسف والله انا ما قايل الناس ح يردموك كده
لكن هانت يا مدير كلها كما اسبوعين وتفتك من الناس دي
لكن برضو ح تجاوبوسريع عليك الله لانو اسئلتهم شيقة
وانا يا جليل ناس العاشرة ديل كنت بحبهم شديد شديد لدرجة المبالغة وما بفضلهم على دفعتي لكن فيهم ناس قمة في الروعة لدرجة انو الواحد يتمنى يبقى زيهم وما مجاملة
لكن اللي بقدر عليه انا بسويه وعلى حد معرفة بالمدير بسألو



وبعدين يا مدير انا السودان اخد قطعة كبيرة مني وبالعكس انا كنت بحب الناس دي كلها بس موضوع انو انا بحب الجامعة وكلام من ده ما بحبها ولا نسيت قروب الجنجويد ولا ما متزكرو

كبلو كتب:دقيقة دقيقة
الزول ده النردمو معاكم برضو

شئ لو فقدته تصبح حياتك بلا معنى؟

أقدم موقف بتتذكرو في حياتك؟

حاجة نفسك تغيرها وما قادر؟

حاجة غيرتها ونفسك ترجعها زيما كانت؟



يا جماعة المدير ده زاغ ولا شنو؟